ياالله ياعالم بكل المقادير

[ابوحازم]

قصيده بمناسبة زواج الخال ناصر بن فيحان بن حجيل
[poem=font="Simplified Arabic,5,black,normal,normal" bkcolor="transparent" bkimage="" border="double,6,darkblue" type=0 line=0 align=center use=ex num="0,black"]
يالله ياعالم بكل المقادير = ياللي له الاكوان سمعا وطاعه
انك تدبرنا على خير تدبير = وتجعل لنا من مد جودك قناعه
من بعدها عبرت بالشعر تعبير = مشاعر كانت بصدرى وداعه
يامرحبا ترحيب حشمه وتقدير = بضيوفنا واصحابنا والجماعه
في ليلة بوجودكم تعتبر غير = ليلة فرح والانس رفرف شراعه
اقولها بسم الرجال المشاهير = خوالى اللي ذكرهم في الرفاعه
ذوى حجيل اشهر من ابان والنير = يوم ان كلن مدته من ذراعه
مركاضهم يشبع به الذيب والطير = ووقفاتهم فيها تبين الشجاعه
فيحان من يوم وقت المعاسير = ريف لربعه في سنين المجاعه
بالجود حاتم والشجاعه كما الزير = عز الله ان طبع العوارف طباعه
يالله تجعل له عن النار تحرير = لانه وصول ولايحب القطاعه
وصلاة ربي عد زهر النواوير = على شفيع الخلق يوم الشفاعه[/poem]