كنا نطالبهم برجعة فلسطين__واليوم ليت بحالنا يتركونا

[ليل القصيد]

[align=center]بسم الله الرحمن الرحيم[/align]


[align=center]إخواني أعضاء وزوار منتدى قبيلة عتيبة،،الكرام ،،،،،،
السلام عليكم ورحمة الله وبركاته،،،،،،وبعد

أضع بين يديكم هذه القصيدة للشاعر بندر بدر الرشيدي،،وهوأحد المتابعين
لمايطرحه هذا الصرح الشامخ...[/align]

[frame="7 10"]
[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
السالفة ماهي على شان برجين=ولاهي من اجل مقردٍ كفرونا
ابراجهم قد عوضوها ملايين= واللي بغوا شالوه ماشاورونا
السالفة حربٍ على النسل والدين=يالعن ابوهم لو بيدهم فنونا
الغرب يدمرنا من الحين للحين=صرنا تحت نيرانهم حاصرونا
صارت لهم ساحات يعرب ميادين=وان استمر اقتالهم شردونا
شاهد جنيف وشوف لندن وبرلين=يعمرون ديارهم ودمرونا
ثرواتهم وانهارهم والبساتين=سابوا نعيم الارض واستوطنونا
دمر عواصمنا هجوم الشياطين=بأحدث عتاد اسلاحهم جربونا
اول نطالبهم برجعة فلسطين=واليوم ليت بحالنا يتركونا
اطفالهم في مسرح السلم لاهين=واطفالنا في بيوتنا يقتلونا
أسر وقتل واعدام ناسٍ بريئين=لا عدامنا في اعلامنا بشرونا
من كثر مانسمع وما تشاهد العين=على نفاد ارواحنا عودونا
ان قدر الله واجتمعنا مسلمين=لويجمعون أحزابهم ماهزمونا
أو قدر الله ووقفت يمنا الصين =اقطع يميني كانهم حاربونا
ياللي تقول تزين ماظنها تزين=لوهم يبون الخير ماقسمونا
السالفة حربٍ على النسل والدين=وان ماجمعنا شملنا ماجمعونا[/poem][/frame]
[align=center]ولكم مني أصدق التحية وأجل الاحترام...[/align]