قدها يابو متعب الى القدس قدها

[اخو من طاع الله]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا الله ياللي تغسل الارض بالسيـل=اغسل قلوب اهل الحسد من حسدها
وترد كيد اهـل القلـوب المغاليـل=بنحورها وعن الوجـود تحصدهـا
واجعل لنا من باب يسرك تساهيـل=مـدات جـودك نستمـد بمـددهـا
وبارك لنا بالمد والصـاع والكيـل=و نفوسنا عطها القناعـه وزدهـا
واحفظ فهد وامهل له العمر تمهيـل=واحم البلاد المنعمـه فـي رغدهـا
من منبر المحفل بدعت اجمل القيل=أقطف من اطراف المعانـي جددهـا
الشعر سبك و حبك معنى وتجزيل=اسبك بيوت الشعر واحبـك عددهـا
اكحل عيون الشعـر كحـل بالميـل=وامسح مدامعهـا و اداوي رمدهـا
يا مرحبا بمجمّـل الحفـل تجميـل=ترحيبة تبسط على الصـدر يدهـا
بالواصل اللي فيه للوصل توصيـل=يمنـاه بالمعـروف كـل حمـدهـا
ركنه حجا يـذري و ظلـه مقاييـل=حـاز المراجـل كلهـا وافتردهـا
بيته لعطـران الشـوارب مداهيـل=من دون وجهه خزنته ما اقتصدهـا
ينصونه العربان مشـي وزرافيـل=شمايله مـا خيبـت مـن قصدهـا
فعلٍ عليه شهود ما هـوب اقاويـل=نعم اليمين اللي وفت فـي عهدهـا
يحيا الكريم و له معـزه و تفضيـل=يبقى وتبقـى قيمتـه مـا فقدهـا
هذاك ابو متعـب رفيـع المنازيـل=اللي بنا هام العـروش و صعدهـا
سـارن اباكيـر المثايـل محاميـل=بحمولها تسعـى جهدهـا جهدهـا
ما بدلت عن منقع الطيـب تبديـل=ترسي تحت بيـت المـروه وتدهـا
بيت الشرف والفضل عذب المناهيل=فيـه الشهامـه سنهـا واعتقدهـا
سلطان ابو خالد مغيـث المقاليـل=عاش فقرا و بحـر مالـه رفدهـا
هذا وانا مستحضر الفكـر بالحيـل=تصحى الحواس الخمس مما وردها
يا محلل الموقف نبي منـك تحليـل=وش خطة في خاطرك تعتمدهـا ؟!
ذاب السلام وصار مسرح وتمثيـل=سجدة سهو تاجب على من سجدها
مافي الحقيبه للعروبـه محاصيـل=سوالـف تصـدى الكبـود بكبدهـا
وش منطق الاجيال من بعد هالجيل=يا حسـرة التاريـخ وأمـر وادهـا
الله وانـا سآلـه يدمـر إسرائيـل=ينشي غضب ربي عشا و يهجدهـا
يلقح بسحب مثل حمـر الغراميـل=عـج مطرهـا والـزلازل رعدهـا
تمطر سخط منها الصواعق نوازيل=يسكـر هواهـا و يتصلـخ بردهـا
يجتثها الرحمـن بجنـاح جبريـل=وتصبح معالم للعرب مـن بعدهـا
تكتب على الخنزيـر طـه وتنزيـل=يا نجس مبداها وما اكبـر حقدهـا
والله جريمه منكـره يـا رجاجيـل=حتـى الـدول بأعرافهـا تنتقدهـا
الصبح فوق كلابها تلقـى الانجيـل=جرثومة دب المرض فـي جسدهـا
استفحلت واللـي عليهـا مهابيـل=قامت على انقاض الخيانه عمدهـا
من الفرات بخارطتهـا إلـى النيـل=عصابةٍ تسـرح وتمـرح وحدهـا
عنها الصواب بعيد جمله و تفصيل=عميانة فـي غيّهـا عـن رشدهـا
عقرب ثرى مسمومة الراس والذيل=من حر مـا فيهـا تنفـخ غددهـا
عاشت على الكذبه دعايه و تضليل=جاهـا فناهـا يـوم ربـي قردهـا
من حارب الله له مهونـه و تذليـل=في ساعة مـن غيـب لا تبتعدهـا
ألم ترى كيف اهلك الله هل الفيـل؟=دك ابرهه و جيوشه اللي حشدهـا
جاه الجزا الصارم عقوبه و تنكيـل=وينه و وين اصنام رجس عبدها؟
شافت فلسطين الجريمـه بهاذيـل=شابـت قضيتهـا وشيّـب ولدهـا
خمسين عام علوم صحف و مراسيل=في حالها عن حالها من نشدهـا؟!
مراوحـه بأقدامـهـا فالمحابـيـل=عن راسهـا قـام يتقطـع زبدهـا
إلى متى تصبر على الظلم والويـل=تب على مـن هانهـا واضطهدهـا
تبكي وتغـرق بالدمـوع المناديـل=تنخى فهـد تنخـى فهدنـا فهدهـا
تبي صباح بـه صيـاح وتهاليـل=يقضي على الفتنه وهي في مهدهـا
بقـوة الايمـان حنـا هـل الخيـل=الالويـه بأسـم الجهـاد نعقدهـا
فالحرب نثبت في وجيه الاساطيـل=مواقف مـن شافهـا مـا جحدهـا
حنا العرب حنا الرمـاه النواجيـل=نضرب على قمع الرصاصه زندهـا
من حبنا للمـوت نهـذب هواذيـل=والنفس قبل تموت تأخـذ سددهـا
اليا ادبر المهـزوم حنـا المقابيـل=كم وقعة شعـب الجزيـره شهدهـا
والآن ولى الزحف نزحف جحافيـل=جحافل التوحيـد فـي رأي اسدهـا
بقيادة اللي يركـي المتـن للشيـل=عنـا ثقيـلات المحامـل صمدهـا
فهد فهد ضاري لشـرب الفناجيـل=اليا برزت دهـم الجمـوع يعبدهـا
حلحيل حـلاّل الحلاحيـل حلحيـل=يحلحل اللي مـا تحلحـل عقدهـا
دليلنـا وإن غـاب نجـم الدواليـل=على الهدى ديرة مسـاره رصدهـا
نفداك ونصّـر الرشـا بالمحاحيـل=ياللي حفرت لدفن الاعـداء لحدهـا
معك أمة الاسلام تصهـل تصاهيـل=قدها يا بو فيصل إلى القدس قدهـا[/poem]

القصيده للشاعر اللواء خلف بن هذال الحافي وهي قصيده احرجت الحكومه في عهد الملك الراحل المغفور له بإذن الله الملك فهد بن عبدالعزيز
وما جعلنا نتذكر هذه القصيده الاوضاع الحاليه وما تمر به لبنان ورسالة خادم الحرمين الشرفين الملك عبدالله الى امريكا
http://www.otaiby.com/vb/showthread.php?t=13372