حـزب الله

[ولد دبي]

في هذه اللحظة علـى كـل العـرب والمسلميـن
سكـب الدمـاء اليعربيـة فـي زجاجـة واحـدة
في هذه اللحظـة علـى كـل الأنـاس المؤمنيـن
ادراك إن اخواننـا ف غـزة يـبـون امسـانـدة
في هذه اللحظـة علـى أهـل العقـول الغافليـن
ادراك أن القـدس وافلسطيـن تبغـي امجـاهـدة
يا المسلم ويا المسلمة إن كان فيكـم حـد حزيـن
خلّـوه يفـرح لأنـه اسرائيـل خـرّت سـاجـدة
الله يـا ملّـة محمـد يـا زعيمـة خيـر ديــن
بلغـوا الشعـوب المخلصـة الواقفـة والقاعـدة
قولوا لهم حزب الله هزّ أركـان شـارون اللعيـن
قولوا لهم حزب الله قاوم فـي الإغـارة الواغـدة
قولوا لهم إن الجنوب اليـوم فـي درع ٍ حصيـن
مـا دام لبنـان العـرب وقفـت وظلّـت صامـدة
حزب الله يا قاهر عدو الاسلام يا الحبـل المتيـن
وشلون مـا تهـزم؟ مـدام الله وهبـك امساعـدة
حزب الله يا عز الخليـج و عـز بـلاد الرافديـن
يـا عـز لاوطـان الشعـوب الجهبديـة الواعـدة
يا فرحتي فرحة صبـي كافـح بوجـه الكافريـن
فرّ الحجر حتـى أصـاب اعيـون بانـت حاقـدة
صوت ٍ عسى يوصل لدار اعوان بوش و بن يمين
سـووا انقـلاب و أيقنـوا إن العروبـة خـالـدة
يا بوش..تكسير الصخر ماهـو كتفتيـت العجيـن
الشـر مـا يبقـى مـدام الخيـر دوم امعـانـده
يا بوش.. لا تلعب معانـا لعبـة الكبـش السميـن
لأنه مصيرك تنوضـع يـا كبـش فـوق المائـدة!
يا بوش..هذا جيش نصر الله المناضـل و الأميـن
حربك وتخطيطك يا جاهـل دون جـدوى وفائـدة
ياللي نويت اتساعد اسرائيل فـي نصـب الكميـن
باجـر تكـون الصيـد واحنـا الشبـاك الصائـدة
يا بوش هل تعلـم؟ بأنـك قـد تُـدان بمـا تديـن
يا مدّعـي حـب السـلام وانتـه سلمـك فاقـده
تضحك.. ألا يا امحارب الإرهاب وانته له معيـن
تشعل وتطفـي وانتـه النّـار الضـروم الواقـدة
كني بـك وانتـه المقيّـد وانتـه هـذاك الرهيـن
اللـي تجـرّه بالخـلا ذيـك الـكـلاب القـايـدة
إسمع ..خبر..ذاعوه ..من..ساعة مضت أو ساعتين
حـزب الله قـام بأسـر جندييـن فيمـا الشـاردة
قوّات إسرائيل..والجرحـى عددهـم شـي زيـن
يعني الخسارة في طـرف شـارون وانته..زايـدة
واللـي يزيـد الإبتهاج..ويشفـي القلـب الغبيـن
هو انسحاب الجيش من أرض الجنـوب الماجـدة
يا بوش ..انته وتابعينك..كونـوا بـس امشاهديـن
شوفوا عربسات..وخـذوا العبـرة بعـد لمشاهـدة
ثـمّ إعلمـوا إنـا ف سبيـل الله دايـم سايـريـن
احنـا الجبـال ومـا تخوّفنـا التـلال الهـامـدة
حتى ولو طال احتلال القدس..صرنـا امحرّريـن
والمنطق ايقـول الرضيعـة مـا تبـا الا الوالـدة
والقدس رضعت من صدور الهازمين المخلصيـن
ما تُغتصـب مـا دام نصـر الله يشمـر ساعـده
إي والله نصر الله وحـزب الله ونعـم الصامديـن
فيكـم أملنـا يـا حسـن فيكـم أملـنـا عـاقـده
استصرخ أوطان العـرب وآقـول احنـا قادميـن
واستصرخ الاسـلام وأقـول العروبـة صاعـدة
استبشـروا باليُمـن والتحريـر والنصـر المبيـن
لا تقنطوا من رحمـة الله يـا الجمـوع الهاجـدة
مهما توّغـل جيـش اسرائيـل ..خلكـم عارفيـن
بأنـه حشـود الخيـر تبقـى ثـمّ تبقـى سـائـدة