مـهره اصيـلـه مالـهـا كــود خـيّـال

[شمووخ]

[align=center]
[poem=font="simplified arabic,4,white,normal,normal" bkcolor="transparent" bkimage="backgrounds/26.gif" border="none,4,gray" type=0 line=0 align=center use=ex num="0,black"]
غطّا الفؤااد بداخل القلـب غربـاال= آخر امل عشت انتظـره احتمالـي

حطم عباراته علـى قسـوة جبـال= وين العذوبه فـي جديـل الليالـي

كانت رحابتها مـن الجـال للجـال= من كيف كيفي غايتي مـن منالـي

واليوم صادتني محاذيـف الاهـوال= واضحك ولي قلب ٍ من الهم سالـي

اكبر مع الدنيا علـى ضيقـة البـال= والقى الشتات اللي نطرنـي قبالـي

وش ذنب كحل ٍ فارق العين من سال= كسّر طموح الشوق في عين غالـي

لو تذكرين امهاجر الـود وش قـال= لاطـلال ذكـرى مزنـة ٍ فالخيالـي

مهره اصيلـه مالهـا كـود خيّـال= ولا عاش بيـت ٍ مادخلـه الظلالـي

لكن شموع النوح ماعـت للاطـلال= ومايستوى غصن ٍ عـوج للعدالـي

يغرق على شحنة معاصيري رمـال= حتى لقيـت ان الجـواب بسؤاالـي

موت المشاعر كنها مـوت رجـال= والموت جاني بالهوى من شمالـي

ايشدني له من هل الكيـف فنجـال= من وارد البغـداد صفـر الدلالـي

واطرب لها لا نادوا الشـام مـوال= وغنا العراقـي بيـن لالـي ولالـي

احس نبضي وقتها ضـرب زلـزال= وبركان صدري زاد فيـه اشتعالـي

قاموس اسطوره محبـه والابطـال= ان الصراحه عاليـه عنـد عااالـي

ماجيت انا هيكل على لبسـة عقـال= لكن ثقيـل الحـب هـد الرجاالـي

مازادني لو قالـوا النـاس رجـال= ولا ينقّصنـي كــلام العيـااالـي

فرقت بين السين والعيـن والـدال= وماعمت في بحر ٍ من الدر خااالـي

جيت ابحنان الشوق والشوق لازال= فيني نهر يجـري قـراح ٍ زلاالـي

لكن صحيح الوقـت مـرات ميـال= واللي جرا لك في المحبه جـرا لـي

طول الصبر يقطع من حبالي حبـال= بس الغريب اللي جرحني مضى لـي[/poem]
منقووول[/align]