من أنت ؟

[هواجس برقاوي]

[poem=font="Simplified Arabic,5,black,normal,normal" bkcolor="transparent" bkimage="backgrounds/27.gif" border="groove,2,black" type=0 line=0 align=center use=ex num="0,black"]
وين انت عني يا هوا البال وين انـت =من غبت عنـي والطـواري ملولـه


شهرين من عقب البطـا مـا تبينـت=وين انت عندي لـك كلام(ن)بقولـه


كنت احسب اني لا قسى الوقت ما لنت=كنت احسب ان الحب دربـه سهولـه


واقول دام ان الرجـل يقـدر البنـت=بقـدر عليـك ومقتنـع بالرجـولـه


ءالين ما ركـزت سهمـك ونيشنـت=وذوبت سور القلب عرضـه بطولـه


ورسى هواك بوسط قلبـي وهيمنـت=وحطيت لـك بالقلـب سلطه ودولـه


ويعني عشانك من خفوقـي تمكنـت= لعبك على العاشق تحسبه بطولـه ؟؟


ولا عشا ن انـي وعدتـك وخونـت =تبـي تـرد الديـن جولـه بجولـه


أنا بذاك الوقـت بضروفـي سجنـت =ولا انت من يمنـع هـواك وميولـه


تبي تقول ظروف..كـذاب..لا هنـت =انت بجمالـك كـل شـي(ن) تنولـه


شقول وانت اللـي بحسنـك تزينـت =والـورد لا شافـك تمنـى ذبـولـه


ولا انـا مـن زود شوقـي تحظنـت =صوره لشخصك من سنين الطفولـه [/poem]