مياسه والعولمه

[صامل الغنامي]

[poem=font="Simplified Arabic,4,darkblue,normal,normal" bkcolor="transparent" bkimage="backgrounds/1.gif" border="solid,4,gray" type=2 line=0 align=center use=ex num="0,black"]
محاوله أولى تقبلوها مشكورين بما فيها

الـفـكر مـحـتار والاخلاق منزعجه= والصدر جاله صفير وضاقت انفاسه
والهم يلعن ابوامه صار لي ولــجه= وانا بشر والـمـشاعر حيل حساسه
يـابـال خلك من التسريح والسجـه=ووقف معي لين اعـبي نصف كراسه
سمعت صوت غريب وطرت فـ العجه=صوت جهوري يرن وتقـرع أجراسه
أموت واعرف وشـلي غـير اللهجه=وش ضخم الراء في حلقـك يامـياسه
نفختي الحرف حتى صار له لـجـه=وارتـج مذعـور من راسه لكريـاسه
أوتار صوتك ماتتعب من كذا هرجه=واتقان لهـجـتـك هل يحتاج لدراسـه
وشلون طاعك لسانك واختلف نهجه=وعلى السلسكوب صوتـك كم مقـياسه
ياانتي عجيبه قبل دنيـاك منفرجه=وابرز خـصائـصـك عصـريه ياألماسـه
مستوطنه باالرياض وكنك بطنجه=وضـيـعـتي القدر والمـلاس والطـاسـه
قالت رويدك تراني منك منحرجه=وانـا بـنـيـه لـتـاج الـسـتـر لـباسه
كانك معذبك صوت يدخل البهجه=على قـلـوب الـغرام يـهـب نـسـناسـه
مجمع الفـيصليه نط في برجه=وغـن المـواويـل لا عـديـت فـي راسـه
الكتم سجن الحياه موقـت بنجه= والـفـعـل ثابـت وردة فـعـلـه أسـاسـه
لو كل محبوس يطلق ذبله فرجه= ولو قلـت له قف ترى قدمـك خـطـر داسـه
العولمه خلت اللهجات مندمجه= كــل ومـا يـهتـوي كــل ولـه نـاســه
والخوف حبله قطع ياماخذه حجه= قـل لـلـجـمـاهـيـر ولا عـلـم الساسـه

صامل الغنامي[/poem]