شـــــــــاعـــر وصــــوفــــــك !

[عبدالله المرشدي]

متواضعه اضعها في منتداي الغالي آمل ان تنال اعجابكم

[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
ان كان تنشد عن علومي تسرك=ماغير انا ويا خيالك لحالي
لله ياسيد الغنادير درك=وشلون تسلى وانت طيفك ابّالي
اعلن خضوعي واعترف لك واطرك=ليتك تحاول تجتهد في وصالي
جوي تقلب بين بردك وحرك=وجوك براد وعايشٍ في ظلالي
زود الجمال وفاره الحسن غرك =ماعدت في حال المولع تبالي
طال انتظاري والمشاعر تحرك=فاحت بنار الشوق فارغ دلالي
ماذقت خير ولاتكافيت شرك=الاوعود الحب باول وتالي
كني على حبل المواصل اجرك=كني انا اللي قلت باول تعالي
ماكنك اللي بحت وافشيت سرك= واعلنت حبك يوم انا عنك سالي
مادري وش اللي ياريش العين فرك=وخلاك تنسى مامضى من ليالي
اول على ماقلت طيفي يمرك=واليوم اشوفك صرت تبغى بدالي
ماضنتي قول الصراحه يضرك=وضحت لك والقلب يصلاه صالي
وارجي جوابي لاقريته يسرك =وتقول من قاله على النفس غالي
شاعر وصوفك بالقصايد يبرك =وانتي تعيقين الوفا بالتعالي
لوكان في جنب الثريا مقرك=تراك عندي ساكنٍ في خيالي
ليتك قريب الدار جنبي وامرك=والا معي دايم واشوف قبالي [/poem] عبدالله مرزوق المرشدي

مجلة فواصل العدد171 في1 دسمبر 2005