قصيدة في الدعاجين من عتيبة

[خيّال البل]

بسم الله الرحمن الرحيم

هذه القصيدة للشاعر بركي بن شباب بن سعد بن صنان الدعجاني العتيبي
قالها في مدح جماعته الدعاجين

[poem=font="Arial,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نبدا بذكر الله في كل نيه= هو عالم ٍ سر الخلايق والاعلان
يالله يا منشي المزون الرويه = ياواحد ٍ بيديك تدبير الاكوان
انك تعافيني وترضى عليه = ولا تحدني يارب لفلان وفلان
كل ٍ بناله بالمعاني بنيه = وكل ٍ مدح ربعه على كل الالحان
ما ياتي ألا بالبيوت القويه = لو كان ربعه ما يساوون خرفان
هذا اللي هيضني وأشكل عليه = وخلاني أبدع من حليات الافنان
ربعي هل الطالات وأهل الحميه = ان جاء نهار ٍ فيه عج ٍ ودخان
الاد مفلح محتمين الونيه = العزوة اللي للمساكين مزبان
أهل الشهامه والوعود الوفيه = ربع ٍ لهم في قمة المجد عنوان
يشهد لهم تاريخ نجد العذيه = لطامة العايل وذربين الايمان
منهم صليب الراي راع الحميه = أحمد ليا نادوا بالاصوات نخيان
وأبو عمر ياشوق جالي الثنيه = يا منوة اللي حده الليل جيعان
وعبدالله اللي ما يبور بخويه = نسل الرجال أهل المروة والاحسان
أقولها والرب يشهد عليه = ربعي لهم فالقلب منزل ومسكان
هذا وصلوا عد وبل الرفيه = على النبي وعداد ما كاين ٍ كان[/poem]
الشاعر/ بركي بن شباب بن سعد بن صنان الدعجاني العتيبي