انا كل ماانشرح صدري تذكرتك وصدري ضاق @@@

[رهين السهر]

[frame="3 80"][poem=font="Simplified Arabic,6,black,bold,normal" bkcolor="transparent" bkimage="backgrounds/7.gif" border="none,4,gray" type=1 line=1 align=center use=ex num="0,black"]
الا يالعاشـق اللـي بالمحبـة للـمـرارة ذاق=تغربل في متاهـات الزمـن والحـزن يقرابـه
يراسلنـي وذوقـه بالغـلا هـو سيّـد الاذواق=وقلبـي لالفالـي ينثـر اللولـو علـى بـابـه
ترى هذي فعول العشـق دايـم للهنـي سـرّاق=يبدّل ضحكـة العاشـق بسـمّ الـداب وانيابـه
انا مشتاق من شوقي يبس حلقي مـن الاريـاق=وانا شوقي يخالف شوق كـل النـاس بادابـه
لهيب النار يكويني ويحـرق خافقـي باحـراق=واصالي حامي اللاهوب من جمـره ومشهابـه
اراقب في طلوع الشمس من فجري على الاشراق=الين الشمس للمغـرب تميـل وتطـرق ابوابـه
حياتي شوق عذّبني وشوقي لو وطـا الاسـواق=تحطّم سعر سوق اليوم في المجموع وحسابـه
انا ماغبت عن دارك ولااجـازي وفـاء بفـراق=انـا حاضـر بفكـرٍ سـارحٍ فالعيـن واهدابـه
اوقع لك على عهـدك وهـات الحبـر والاوراق=بطوعي واختيـاري يشهـد المكتـوب بكتابـه
ترى زاد التغلـي واشعـل الاحـزان بالخفـاق=وعذّبت الضمير اللي عجزت القى لـه اطبابـه
انا كل ماانشرح صدري تذكرتك وصدري ضـاق=ابيك توسع الخاطر واثـرك الضيـق واسبابه
ترى فالناس من يعشق وتشغل فكـره الاشـواق=وفيه اليوم من يعشق وهـو غـدّار باصحابـه
تخيّر في وصالـي واذكـر التعذيـب فالعشـاق=ترى قيس الملـوّح فاقـدٍ عقلـه مـن احبابـه
انا لاصرت ابرسل لك ابكتب لك مـن الاعمـاق=وليش القلب في قلبك تعلـق بـه ويشقـى بـه
ادوّر ردك الوافـي ادوّر لـه وانــا مشـتـاق=ولو كان الجفا مضروب فـي قلبـك بمنسابـه[/poem][/frame]