الشعر في نومي

[شاعر روق]

الاخوة رواد هذا الصرح الشامخ اليكم قصيدتي هذه واللتي امل ان تحوز على رضاكم واستحسانكم...واللتي تتحدث عن الشعر وما آل اليه في الاونة الاخيره..مجرد حلم يحتاج الى تفسير


[poem=font="Simplified Arabic,4,darkred,bold,normal" bkcolor="transparent" bkimage="backgrounds/20.gif" border="double,5,darkred" type=0 line=1 align=center use=ex num="0,black"]
الشعر في نومي شكا لي دماره = من عالم تدعى مع الناس شعار

ومن ضيقته قام ايتقادح شراره= ماباقي الا تشتعل جوفه النار

واقفا وهو يعرض علي انتحاره = وانا نصحته عن هذا الفعل باصرار

عل وعسى كلٍ يصحح مساره = ونداوي العله بعد كل ماصار

من بعدها جيته نهار احتضاره =تنزع منه روحه وعلّم بالاسرار

يقول كم ابكم فهم بالاشاره = وكم من فصيح لسان جاهل وثرثار

وينصح عن اسلوب الحدث والحضاره=اللي يجي من غير معنى ومعيار

ووصف لي الشعار حسب اقتداره = وانا منول كنت بالناس محتار

ويقول به شعرٍ يبين وقاره = على الذي في نظم الاشعار بيطار

يطرب له السامع بحسن اختياره=ويصير له قيمه وحشمه وتذكار

ويقول به شعرٍ غثيث وخساره=يرجع على راعيه بالذم والعار

الشعر من مثله تعدّه عياره = مع شلةٍ مثله هذورٍ ومهذار

ويقول به شعر من اجل التجاره= شعار بالمعنى وبالاصل تجار

تاجر ويعزم كل ليله بحاره =يفرح اليا منه لقا ربع دينار

والشعر سبك وحبك زايد مهاره= واليانقص ماله مع الناس مسعار

مثل الصلاة اللي بليا طهاره= والاكما الدله بلا بن وبهار

والشعر في وصفه سوات العماره=اما انبنى والا اصبح البني منهار

والشاعر اللي مايرد اعتباره =يسقى من الشعار من كاس الامرار[/poem]