مشعل بن شميسان و خالد الخضري

[نايف الشمالي]

انقل لسعادتكم رديه بين الشاعرين مشعل بن محماس بن شميسان
والشاعر خالد بن مطلق الخضري الدعجاني


هذة الابيات موجهه للأخ القدير ... خالد مطلق الدعجاني
[poem=font="Simplified Arabic,5,black,normal,normal" bkcolor="silver" bkimage="" border="none,4,gray" type=2 line=0 align=center use=ex num="0,black"]
لابــــاس ياذخر الرجــال الزحـازيح = ياصــاحب لــــه عــــــدة أيــام ماشـــيف
مـــاجور يــاراع الـــوفا والتــمازيح = وراك غــــايب عـــــل مــامن تخـالـــيف
خابرك ما أنته في مواصلك بشحـيح = لــكـــن لك مـــــده مجـــــيك تخــاطــــيف
خـــبر عسى دنــياك يسر وتسامــيح=
وش حــــاصل ٍ لك جعل وقتك لك مــريف
وعســـاك ماتشكي السنين المجاويح = حيثك مـــن اللي بالقـــسى تكــــرم الضــيف
بيـــضان الأيدي مبعدين المشــاويح = يامــن بهم مــــن يلتـــــجيهم عـــن الحـــيف
آلاد مــفلــــح فــــا للقا والمصــابيح = قــــدم العـــــدا مثل الجــــــبال المـــقانـــيف
وأفــــعال ذربين اليمان المـــــفاليح = تــــــزيـــد تاريخ البـــــــطولات تشــــريف
وحــــنا على شوف الرفاقه مشافيح = مــــــانشتكي مـــــن دونـــــهم للتــــكالــــيف
نشــــفق على الطيب ونتعبله الفـيح = ولا الــــردي مـــــالـه علـــــينا مــعــــاريف[/poem]
مشعل بن محماس بن شميسان



رد الشاعر خالد مطلق الدعجاني[poem=font="Simplified Arabic,5,black,normal,normal" bkcolor="burlywood" bkimage="" border="none,4,gray" type=2 line=0 align=center use=ex num="0,black"]
يـــــاخالق كــــونك ويامــدبر الريـح = ومصــــنف كونك بدبرتك تصـنيف
تعـــين من نـومه مـرور وشـلافــيح = يشـــــوم للجــــزله وللهزله معــيف
يغــــوص بالغــبه سـوات السـبـابيح = وينكـــف ليا شاف الروابح منـاكيف
وينصح ليا شاف الــقلوب المناصيح = اللـــي على العليا بروس المـشاريف
ماهـــو كلام ملقح الهـــــرج تلــقيح = ولـــــيا هـرج مازيف الهرج تزييف
الـــوازعي صـــدر قرار بتصــريح = كنـه على الخضري يـدور المحاريف
شرهه وفيها من ابيض الوجه تلميح = شــــرهة وفا من طيبــــين المواقيف
وأنا بـــرفقة طيب الــــــراس مابيح = مرس كما ترسي المواني على السيف
ليـــته تبع قـــــول العطاوي شليويح = اللــــي رسم خــــط مثل خــــط برليف
اللي ليا لــــوح على الخــــيل تلويح = يســـــقي قــــلوب من عطشها ملاهيف
يبـــــي يومـــيبي إمواي المــسابيح = وأنا بميـــــــقافي مع أهـــل المـــواقيف[/poem]

خالد مطلق الخضري