*** قول العتيبي *** أهداء لقبيلة عتيبه

[محمد حنيف الروقي]

[align=center]بلا مقدمات تقدم نفسها بنفسها

وأهداء الا قبيلة عتيبه [/align]

[poem=font="Simplified Arabic,5,white,bold,normal" bkcolor="transparent" bkimage="backgrounds/37.gif" border="none,4,gray" type=0 line=0 align=center use=ex num="0,black"]
بدعت في قول الحكايم والأمثال
قولن وثيق ولايباله دلاله

وأثنيت همن في كنين الخفا حال
على بياض الطرس محدن شكاله

بديت ذكر مسير المزن للجال
جال الغدير اللي وزانه حلاله

وشبيت ناري بضحى صوب منزال
منزال ضول أهل الوفا والشكاله

قم يانديبي يافتى الجود في عال
في عال رجمن واسم المزن جاله

هات الحطب ثم شع نارك على الحال
وسير عليها الكيف وزهب دلاله

خله الطرقي وعلى الضيف مدهال
يشتاقله منهو على البعد جاله

العام يوم الجود عند العرب طال
اليوم زاح الجود ماتت رجاله

من شاب شعره أنشده كيف الأحوال
ضايق عليه الوقت ياعزتاله

ياليتني في وقت الاول مع الخال
ولاشفت وقت أهل الردى والنذاله

وقتن كفاالله شره اليوم مدهال
وقتن على فعل الشرف ماطراله

وقتن شحيح ولاتصور على البال
وقتن يعوج الميل ماله عداله

قومه على جمع المكاسب والاموال
تشتاق لو المال جا من نذاله

لايكرمون الضيف في كل الاحوال
دارن خلا منها السخا وش بقاله

انشدك عن وقت الشجاعه والابطال
وقتن على وضحى النقا والعداله

وقتن على عمر الزمن زاح منشال
وقت المروه والوفا والجماله

وقت الجدود اللي لهم عز وجلال
وقتن مضا مافيه وقتن بداله

أهل الحكم واهل الفطانه والامثال
اهل السلوم مكملين الرساله

يذكرهم التاريخ في مد الاجيال
يذكر هل الماجوب في كل حاله

اللي يفكون النشب قول وافعال
من جودهم شاد السخا والعداله

مايتبعون لقول مقفي وعذال
قول القفا ماله على الجود ماله

واختم كلام القول قولن من البال
قولن نطقته يافتى مايباله

قولن تصور بالحكايم والامثال
قول العتيبي مايباله دلاله

وصلاة ربي عد ماسال همال
همال وسمن بارقه في خياله

واعداد ماصدر من الجم محتال
ورد وصدر ماشكر من عناله

واعداد ماشد البدو فوق منزال
على شفيع الخلق راع الرساله [/poem]