## البارحه كلمتني بنت مبليه ##

[اخو من طاع الله]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحـه كلمتنـي بـنـت مبلـيـه=معاملتهـا صراحـه معـي تعبـانـه
قالت سـلام وقلـت أهليـن يابنيـه=قالت بغيت البنـات وقلـت غلطانـه
قالت بـلاش دلـع رح نـاد بدريـه=وان كان هي نايمه صـوّت لسلطانـه
قلـت بصراحـه ترانـا عزوبـيـه=والكل منا يابنت النـاس فـي شانـه
قالت بغيت اسولف قلت اسمحي شويه=أنا قبل أتصـل بـك كنـت طفشانـه
قلت اهرجـي زيـن وصفـي النيـه=وانا بسولـف عليـك أغنيـةٍ زانـه
قالت بغيت اسألك وش بعد سوريه!!=والهند كانك ذكي وش كثـر سكانـه
قلت بصراحه ماأعرف الا البجاديـه=وأعرف من حد مكـه ليـن غيلانـه
قالت تحب وقلت أحب اللي حواليـه=وأحب ربي وأحب الـKing واخوانه
وأحب ديني وأحب ارض السعوديـه=محبـةٍ ماعطاهـا الـخـل خـلانـه
قالت بضحكه ورا اخلاقك تجاريـه!!=أصلاً أنا يوم أسولف معك خسرانـه
وأنت بـدويٍ ماتعـرف الرومانسيـه=وكـل بـدويٍ حياتـه مالهـا خانـه
قلت اسمعي يابنت ان كنتـي طبيعيـه=والظاهر إنك يابنت النـاس سكرانـه
أنا بـدويٍ ماحنيـت الـراس موليـه=إلا لربـي عزيـز الجـاه سبحانـه
حنـا بــدو وان ثــارت الهـيّـه=نثبت اليـا خالـط البـارود دخانـه
حنـا بـدو دايــم نـارنـا حـيـه=نزعل اليا سكر راعي البيـت بيبانـه[/poem]


للشاعر عبدالله بن فيحان السميري