السلام عليكم ورحمة الله / هذه القصيدة بمناسبة حفل قبيلة عتيبه في المنطقة الشرقيه في مدينة الدمام لتحديد المرشحين للانتخابات عن هذه المنطقه , والذي كان في قاعة الاحتفالات بمدينة الدمام .
سلام الله علـى روس الرجـال الطيبيـن شمـام
بجـزلات البيـوت اللـي لـراع الـذوق جـذابـه
يلوح البـرق فـي مقـدم سحابـه والرعـد رزام
ويسق الكبد من صافي غشينـه ليـن تـروى بـه
سلام ٍ كاشف ٍ نـوره مـن الخفجـي ليـا الدمـام
بريح المسك وازكى العـود الازرق هبـت اطيابـه
سلام ٍ صافي ٍ ضافي علـى ربـع ٍ حشـام كـرام
صواريـم الحـرار اللـي لعلـم الطيـب كسابـه
ربوعي تـاج راسـي بالفعـول وفاللـزوم حـزام
عتابـه لابتـي وانعـم بهـا واكـرم بهـا لابـه
اشتبي يالحميّا مـن شعـر راسـي ليـا الاقـدام
اشتـبـي والحمـيّـا فالعتيـبـي دوم شـبّـابـه
اناروقـي وبرقـاوي ليـازرت اليمـن والـشـام
عتيبـي ٍ علـي مـن المراجـل بشـت وعصابـه
لهـاذي والله ان مالقيـنـا للـظـروف احـكـام
مـادام الـروح حيـه ماعذرنـا الحـي بغيـابـه
ابا احضر مع بني عمي واعلق للحضـور وسـام
وافاحـر بالرجـال اللـي لكسـب المجـد وثابـه
ويحق لي الفخر باللابـه اللـي تنصـر المنضـام
مواقفهـا تـوّرخ قبـل عـام الفيـل واصحـابـه
من اول خلقـة الدنيـا وابونـا آدم وسـام وحـام
وحنـا للخيـول المسرجـه والجـيـش ركـابـه
ونضرب بالمهند كـل مـن صابـه قـرم وعـرام
نجندل به شيـوخ القـوم ليـن نخضـب نصابـه
حدرنا من ورى ركبـه نبـا المربـاع ذاك العـام
وعيّـا يقبـل الجيـره صليـب الـراي واقـرابـه
وطويناهم من وساع الفيافـي مثـل طـي الخـام
وعلى ذلك شهـد تاريـخ نجـد وتشهـد هضابـه
ومثل يوم الرحـا يـوم ان تركـي للمدايـح شـام
ومثـل طـلال يـوم ان العطـاوي كشّـر انيابـه
ومثل واد الرشا يـوم ان نايـف جنّـدل الاخصـام
ومثل يوم الصبيخه يـوم ناصـر بـان مضرابـه
وغيـر وغيـر ياكثـر الفعـول وجفـت الاقـلام
ولاتكفـي حـروف الابجـديـه قــول وكتـابـه
هـذا نهـج الجـدود اللـي فعايلهـم مـع الايـام
تجدد والفهيـم اللـي قـرى التاريـخ يلقـى بـه
ليـا منّـا تفرقنـا ورحـنـا يـارجـال اقـسـام
ضعفنـا مالنـا هيـبـه ولا كلـمـه ولاثـابـه
ترى الفرقا سبـب كـل البـلاوي والجهـل هـدّام
ورجـل ٍ مايحقـق فالهـدف بالعيـن ماصـابـه
ولا منـا اتحدنّـا نلجـم الحسـاد شـر الـجـام
ونبطـل كيدهـم والمنبـر المشهـور نرقـى بـه
نزاحـم مـن يزاحمـنـا ولانقـهـر ولاننـضـام
ليـا منـا تكاتفـنـا قـدرنـا نحـمـي الغـابـه
حزامي ياحزامـي لايجـي بيـن النفـوس اوهـام
ترى الشيطان لامنه دخل فـي جمـع ٍ اثعـى بـه
حمانا الله مـن ابليـس العـور والرجـز والازلام
توكلنـا علـى رب ٍ كريـم ٍ مـا انقفـل بـابـه
نبي نجمـع علـى راي ٍ سديـد ونرفـع الاعـلام
وليّا شيّـد عمـود البيـت عالـي شـدّت اطنابـه
نرشـح واحـد ٍ منـا شجـاع وفـارس ومقـدام
حكيـم ٍ عارفـه والصـدق نهجـه ويتحلـى بـه
وكل ربوعنـا كفـو ومشاكيـل وسنـد واحشـام
نحـدد واحـد ٍ منهـم يمثلنـا ونـرضـى بــه
ونجمـع لـه جميـع اصواتنـا ونقدمـه قــدام
وعساه بكل صعبـات المحافـل يحسـب احسابـه
عملنـا لا اجتمعنـا واتفقنـا فيـه يصبـح تــام
يصير لنا هـدف واحـد نفكـر بـه ونسعـى بـه
هـذا زبـدة كلامـي واضحـه للشعـب والحكّـام
خلاصة تجربـه واللـي يبـا التنفيـذ يبـدى بـه
عسى الله يحفظ الفهـد الزعيـم وينصـر الاسـلام
ويهدينـا الـى سبـل الرشـاد وعاشـت عتابـه
وختمتها الصلاة اعداد مـن صلـى وحـج وصـام
على اشرف من وطى فوق الوطى الطاهر وصلى به
فارس العـتيبي
| 
|
01-11-2005, 06:45 AM
المواضيع المتشابهه
العرض الشجري