,,,،،،،،>(لاتشاور الطرقي )<،،،،،،،،

[ابن مسلم]

[align=center][poem=font="Simplified Arabic,5,white,normal,normal" bkcolor="firebrick" bkimage="" border="double,5,black" type=0 line=0 align=center use=ex num="0,black"]
أبدي بذكر اللي فرض حجة البيت = عِدْ الجراد وعِْد حب النباتي
ضيف الله أباأوصيك كانك تهنيت = بأيامك اللي مقبله ياغناتي
كمل فروض الدين من غير تفويت= صم رمضان ورجحه بالزكاتي
وأوصيك في جدك ولومادعاك إيت = ومايطلبه قل تم والرزق ياْتي
جدك تخير فالأسامي وسميت = على أسم شيخ(ن) كامل بالصفاتي
وحافظ على السمعه ولاتدنس الصيت = وأحذر من الخفرات والمرهفاتي
وليا جلست بمجلس(ن) فيه تشميت= خلك قليل الهرج لو.بالسكاتي
ولاتشاور الطرقي بقولة تعشيت= ثم ينفشل ويصير كدر المباتي
الضيف ليا منه لفى ثم هليت = يمدحك بين الناس بالمعجزاتي
وإن جات لي الدنيا. على ماتمنيت = لأرخص لك الغالي .ولوهي حياتي
وصلاة ربي إعداد ماكفنو ا ميت= على نبي ٍ جاءبدين(ن)ثباتي[/poem][/align]

[poem=font="Simplified Arabic,5,royalblue,normal,normal" bkcolor="white" bkimage="" border="double,4,blue" type=0 line=0 align=center use=ex num="0,black"]
أنا يميني على الطاله مضريها =يوم(ن) ولد الردي يمناه يتربها[/poem]