بدري على شرواك لويت ذراعي ..............

[فيصل المسعودي]

رشيد الفريدي




[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
حان الـوداع ولا بقـى للعتـب دور =

الله لنـا وفجـوج ربـك وسـاعـي

دام الصداقة ما هي إحساس وشعور =

مال الصداقـة بعـد هاليـوم داعـي

قلبي على المقفين ما هـو بمجبـور =

من بـاع للعشـرة مصيـره يباعـي

رح واعتبر نفسك مسامح ومعـذور =

قلبي على كثر الخطا مـا استطاعـي

انا على فرقـاك بالعكـس مسـرور =

مثلك خسـارة فيـه دمـع الوداعـي

وش عاد لو خاطرك ضايق ومكسور =

مـدام خيبـت الرجـاء والمساعـي

ما كنت اصدق فيك يا ضايع الشـور =

دايـم وانـا دونـك مكثـف دفاعـي

وكانك على ما قايل منهي ومأمـور =

بدري على شـرواك لويـت ذراعـي

فنجالك اللي سقت من يـدك منثـور =

لا صار ما انتـه للصداقـة مراعـي

مَن يخدم الأنذال ما هـو بمشكـور =

ومن يزرع الصبخا جـداه الضياعـي

تـوي لقيـت لعلـة النـذل دكتـور =

البعد عـن شوفـه يزيـل الصداعـي

ما فيه داعي ينفضح كـل مستـور =

عيني تشوف الدرب والقلـب واعـي

نور الحقيقة بـان والعلـم مخبـور =

شفت السباع وشفـت روس الأفاعـي

افلح.. قبل يضربك رمحي على الزور =

وتلقى شبيهـك يـا خبيـث الطباعـي

عين بكت فرقاك تحرم مـن النـور =

لا تنتظـر بعـد الـوداع اجتمـاعـي [/poem]