لـي الـفـخــر فـي مـدح ربعـي عتـيــبـه

[برقاوي هواوي]

[poem=font="Simplified Arabic,5,white,normal,italic" bkcolor="transparent" bkimage="backgrounds/25.gif" border="ridge,7,black" type=1 line=0 align=center use=ex num="0,black"]
ما دام كل قام يمدح قبيلته
ويذكر مناسبها ويذكر فعولها

لي الفخر في مدح ربعي عتيبه
اللي تسلسل من هوازن اصولها

ربعي اهل التاريخ والعز والفخر
ليا من دقت للحرايب طبولها

لها الاسم الرنان مع ساير العرب
لا ضيقت بعض العرب صوتولها

مثل الجبال الشامخة في الجزيرة
مترامية عرض الجزيرة وطولها

من قوة هيبتهم ومن قوة باسهم
كل الديار اللي يبون وصلولها

ليا ساقوا العطفة وسارت جموعهم
الارض ترجف من حوافر خيولها

تمشي برغبتها وتمشي بكيفها
ما كن به ناس من الناس حولها

لين إنها وسط الجزيرة تمركزت
وشرف على أطراف الجزيرة نزولها

هيل على ماقال الاول مهيلة
تطول رغبتها ولاأحد يطولها

بحكم السيوف اللي تجاذب قنيبها
وشلف عريضات وساع دحولها

ماتاكل الا كــل شيخ مجرب
تخلي عن الخيل الاصايل حمولها

يوم إنهم هاك الليالي تحدروا
مثل المزون اللي تدلت ثعولها

بروقها بيض السيوف الرهايف
ورعودها العزوة اليا ضاق جولها

وثعولها البارود عند انصبابه
والدم من فعل النشامى سيولها

هذي وأنا ملفي فعايل عتيبة
ليا من جت المعضلات ارتكولها

ومن لاذ بحماهم من الخوف يامن
تضفي علاه عن البلاوي سدولها

يصير في عيط قوي حجاها
تخلي وتذري من دخل في كفولها

ومن طيبها ينسب لها عدة اسماء
اسماء دواليب الدهر ماتزولها

ذكرت منها البعض والبعض الاخر
ماأوفي حروف رسالتي لين اقولها

ذباحة الحايل ولطامة العدى
حتى نعاتيت الطغاه شهدو لها

قدم العدى نارا قوي جحيمها
وقدام وجه الضيف زين قبولها

وأيوابهم طول الليالي مشرعه
ما حلجوا قدم المسير قفولها

ان جاهم الطرقي لقى العود والشبب
ودلال رسلان تعاقب بدولها

يكيف الضرمان خنة عبيرها
اهل كرم والمكرمات تعبولها

وكل السلوم الطيبة من سلومهم
سلومهم سارت ونالت قبولها

كم اصلحوا من مشكلة غير الاخرى
الصلح من بين القبايل ميولها

ربعي سراج الدين في ظلمة الجهل
ما تمشي الا ما مشابه رسولها

قلته وانا شاعر وامجد قبيلتي
اللي من الحكمة ثقال عقولها

والشاعر اللي ما يمجد قبيلته
ياعنك ماثمن مساع سعولها

همه اليا غنى القصيد لمصالحه
ياكل بها العيشة ويعرف دخولها

في مدح ربعه ما تدرهم قصايده
وفي غيرهم محفي سماري ذلولها

ما يدري ان الدنيا رحاة مستديرة
يمكن عليه الدور ما حال حولها

وختامها مني صلاة على النبي
شفيع الامة يوم يزداد هولها[/poem]




قصيدة للشاعر الكبير ملفي بن مزيد المورقي