الحب من ذاق يا غالب قراطيعه

[عيد بن شده]

الحب من ذاق يا غالب قراطيعه
لو ينصحه صالح الفوزان ما طاعي

لا شاف بعض الثمر تنعم طواليعه
ومبيسمن فيه مثل الثلج لماعي

يطري له اللي مضى له من مراميعه
ويراجع الذاكره ويجاوب الداعي

الداعي اللي كثيراتٍ مواضيعه
لو كنت في حالته قرقعت قرقاعي

قرقعت مع جادلٍ ما تسكن الضيعه
من لابةٍ ذكرها بالمملكه شاعي

صفرٍ صهاةٍ قريعة شيخ ومطيعه
اوصافها نادره يا طايل الباعي

اتكاضم عنانها وتلاعب الشيعه
ما ينثني راسها مع ساعد الراعي

تبي لها مدلهن تعرف مراميعه
ما تلتفت للجبان قصيّر الباعي

عيد بجاد بن شده