عبدالله وبندر

[عبدالله بن طلال]

السلام عليكم

المحاوره كانت على قروب قبيلة الروقه مباشره

بيني وبين الاخ القدير بندر الحافي ( صوت الحفاه )



بندر :

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياسلام الله بردّه غن يالحمادي = غن دام الليل توه والبلد ممطوره
غن والمعنى معنى والسيوف احدادي = والعلم مرفوع والله ينصر المعموره[/poem]

عبدالله :

[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مرحبا بك يالمنادي من صميم افوادي = غن دام ان القمر فوقك يشع بنوره
البلد ممطور والاخبار جوف الرادي = والعرب راحو شراذم في عجاج الثوره[/poem]

بندر :

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] البقا والعلم عندي والشداد اشدادي = سم بالرحمن والاحداث صوت وصوره
سجل التاريخ بالهجري وبالميلادي = يزعل الغندور ولا تزعل الغندوره[/poem]

عبدالله:

[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الشداد اللي معك مطلوب للبغدادي = انتبه له لايشوتك مثل شوت الكوره
كان تطمع في نجادي نوخ العبادي = والامور الباقيه يا صاحبي مقدوره[/poem]

بندر:

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يلحقك شرهه وجارك يسبرك من غادي = الله اكبر كيف صارت نيتك مقشوره
نفرق الممتاز ياعبدالله اعن العادي = لاتبين راسها ورجلينها مبتوره[/poem]

عبدالله :

[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الحقيقه راسها بين الاوادم بادي = والخوافي في زمانك ماهي بمستوره
سالفه والسالفه سردادي و مردادي = شايفين الحبه اللي في فم العصفوره[/poem]

بندر :

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] فوق عرجا يازميلي بارق ورعادي = لاتروح بعيد عن حيرانها المقهوره
والله انا رافضين الميل كالمعتادي = مابغينا نكتب الجمله على السبوره[/poem]

عبدالله :

[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] فوق عرجاء يازميلي نازلين أجدادي = في طرف واد الرشاء والعبله المذكوره
رحمة الله ياجدودي محتمين ابلادي = ويسلمون عيالي اللي في حدود اشروره[/poem]

بندر :

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] السوالف جنب نار ودله وبرادي = والبحر لاهاج موجه مارحم بابوره
انت لو ناديت هادي جاك فازع هادي = جاك فازع عقب نشبت لقمه بحنجوره[/poem]

عبدالله :

[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلّها ياصاحبي دام الجمل منقادي = لا تحاول تلتفت بالخطوه المعثوره
هادي بوادي وانا يا صاحبي في وادي = و البلا لن رضيت ولن زعلت السنيوره
[/poem]