والله انك بعيني يارفيقي كبر

[عبدالعزيز بن حشيان]

الشاعر الكبير / عبدالله متعب السميح


يسندها على احد زملاه وهو الاستاذ/سعد بن عبدالله الشمراني

والله انك بعيني يارفيقي كبير
ومن عرف مثل شخصك لازم يقدره

بتسامى على رايك لون الحقير
يحسب انك تهابه حين ماتخصره

ومن يشاور رجال العرف يصبح بصير
مثل شرواك وانته رفقتك مفخره

يابو عبدالله الدنيا تراها بخير
دام فيها حكيم لاظلمت نذكره

لو نماشي بطبعه كل خاوي ضمير
مهنته غيبة الاصحاب والثرثره

مالبسنا بياض الصيت لبس الحرير
يوم سمعة حليف اهل الردى مدبره

والتجارب دلايل والصباح البشير
واصغر الناس مهما كان لاتحقره

كم بصير ضرير وكم ضرير بصير
يوم تسمع ذرابه منطقه تكبره

واحكم الناس دايم باحترامه جدير
تلتمس له اليا اخطا العذر والمعذره

ماقف الحر ثابت والضرير الضرير
من تهدد على الماقف ولايقدره

ماينال المعالي شيخ والاوزير
غير بالحلم عند العفو والمقدره

واحمق الناس بين الناس نفاخ كير
حيث ماله مع العراف مايخسره

عبدالله متعب السميح