الجميعي

[الطير الاشقر]

عبدالاله الجميعي

‏​‎

ياذيب خاو الذيب ياذيب ياذيب
وخلك معه في صبح ولا عشيه
ياذيب فعلك معتلي فالمراقيب
وأسمك يهز الجان والأدميه
خذني معك ياذيب بادوج وأغيب
عن الديار اللي كوتني بكيه
أعلم بأن الذيب ما ياكل الذيب
حتى ولو الجوع جاب المنيه
لابو ديار(ن) قل فيها الأصاحيب
ولابو ديار(ن) شفت فيها الخطيه
أشقى على الطيب ووقر هل الطيب
وأفزع وأشيل الكايده والقويه
وأكرم صغير السن وأكرم هل الشيب
وأمدله يمناي قبل التحيه
وأقلطه والصوت كله تراحيب
منهو لفاني جمرت النار حيه
ماني ولدن لاشن على سكة العيب
أنا ولد حر(ن) كفوفه نديه
الشايب اللي مات عطب المضاريب
في ذمتي ماشفت منهو حليه
ذاك السعد ذاك الكرم والمواجيب
ذاك الشعر ذاك الامل والحميه
ذاك الذي بطلبك ياعالم الغيب