يا ملمعين دقونكم با اسود النـيل
...................ياشين من عقب البياض السوادي
والله ماغير لحيتي يارياجـيل
......................مادام جسمي فيه ينبض افوادي
قالوغلط لازم تحط الك تجـميل
.........................تراك غادي قلت ماني بغادي
ماني مغيرخلق ربي بتعديل
.........................الغادي انتم مير خل الدوادي
يا كثرما شفنا ويا كثرمـاقيل
.......................لكن في هذ الزمن شي عادي
ماعاد ابه تفريق فا الراس والذيل
....................راع المسامه مثل راع الشدادي
طبل مع الشعب السعودي بتطـبيل
.......................تراك شيخ اليوم مالك ملادي
من عاش في ها الوقت ذاق الغرابـيل
....................لو ان صبره مثل صبرالمهادي
والخافي اعظم فا الليال المقابـيل
.......................يعلم به المعبود رب العبادي
صل الفروض وقوم في تالي اللـيل
......................لا طاب للمفلس لذيذ الرقادي
اسجد وخل الدمع من عينك يسيل
...................والناس نومى واخرالليل هادي
خشوع واستغفار توبه وتهـليل
....................وقم لاالصلاه لياسمعت المنادي
واخذ الكتاب اقره تمعن وترتيل
......................وطلب ثباتك لايجيك ارتدادي
لياطعت نفسك عودت بك مع المـيل
......................النفس تبغا منك لازم جهادي
جهز مسيمير الهرس
| 
|
12-06-2013, 11:35 AM
العرض الشجري