السلام عليكم ورحمة الله وبركاته
بعد طول غياب جيتكم ومعي احلى خبر
يقول زميلنا في هذ المنتدى الشاعر الشيخ سطام بن فهيد
في قصيده نزلها قبل فتره هنا
موجهها الى والده امير قبيلة الشيابين وامير الفوج الثامن بالحرس الوطني
الامير سلطان بن ماجد بن فهيد حفظه الله
وأنا أنتخي بك يا سليل السلاطين = تفزع معي وتحقق اللي طلبناه
جاهيةٍ لمطير حسب القوانين = أبا أتزوج وألحق العمر ومناه
عمري وصل لحدود ست وثلاثين = وعلى سنين العمر يابوي عزاه
راحت ولا شفنا للاحلام تثمين = والقلب هم الوقت يابوي يشلاه
هيا معي وأجمع على الدين قلبين = ومعروفك الغالي حشى ماني أنساه
أنا حزامك حزة العسر واللين = وأنت الذي في كل راي أتنصاه
وترى السنين أتدور من خلفها سنين = أحدن يجي وأحدن سمعنا بفرقاه
متى أبوي أشوف في ناظر العين = عيالي وكلن على الطيب ممشاه
تكفا وتكفا .. ثم تكفا ملايين = أفزع معي في تالي العلم وأقصاه
مدامنا في رحلة العمر ماشين = مأنسى الجميل اللي كبيره مزاياه
أبا أحفظه وأبا أكتبه بين قوسين = يا تاج راسي مالك أنداد وأشباه
واليوم نقول الف الف مبرووك
للشاعر الشيخ سطام بن سلطان بن ماجد بن فهيد
على عقد قرانه على كريمة الشيخ خالد بن علي بن خليل العوني المطيري
وبهذه المناسبه بأسمي وبأسم القبيله كافه نبارك للشيخ ابن فهيد
ونقول له منك المال ومنها الابناء الصالحين
0
| 
|
09-18-2012, 08:40 PM
الف مبروك عقد قران الشاعر سطام بن فهيد
العرض الشجري