تااااايب.....

[محمد بن نجر]

الشهر مبارك على الجميع

امل ان تنال بعض الرضا

7
7
7
[poem=font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

محنة زمان وصاحبة جفوة اقراب=وش عاد اسوي بالزمن والقرايب
هذي ثلاث سنين والقلب منصاب=ولدري وش اسباب الجفا والمصايب
اليا شكيت الحال ايقال كذاب=وليا سكت احس بالقلب ذايب
ماتنفع الشرهه ولا ينفع عتاب=في وقت ورنا العجب والعجايب
ياشين ماجانا وباقيلنا حساب=والموت لحطت علينا النصايب
تطحني الايام من ضرس لاناب =ولي هفت ياجعلها للذهايب
لكن عقدت العز في بذل الاسباب=والله يزينها جزيل الوهايب
من اول اسلى واتغنى بالهداب=سخرت شعري في طوال الذوايب
واليوم مر مر بالقلب وارتاب=شفت العنا باسبابهن الغرايب
صحيح ماشكيت في ود الاصحباب=لكن جفلني من الحب شايب
قال الهوى في وقتنا ذل وارهاب=اسمع كلامي لو حضر كل غايب
وارتحت عقبه من مواويل الاعجاب=الله يجنبنا طريق النشايب
والرجل لامنه عرف غلطته تاب=وقول محمد من بعد ذيك تايب
واللي تعلم من خطا غيره اصاب=والادمي مابين مخطي وصايب
وكثر الحكي يكشف عن الستر جلباب=ويجلب على راعيه هم ومصايب
والصمت ماعيب طويلين الاشناب=لو الكلام جنود صمتك كتايب
صبرت لين القلب من الصبر ذاب=الصبر كنه في فؤادي لهايب
والدرب لو انه كما سكة الداب=امشيه لواني من اقصاه هايب
قلبي غدى مابين ناب ومخلاب=روح ما بين اوحوش مثل النهايب
واصبحت انا قدام خلق الله اكتاب=واللي نشد مايرجع اليوم خايب
في حاجة الطيب حشا ماخذ اتعاب=مهوب طبع الا ردي الصلايب
لفتني الدنيا كما لف دولاب=الله يادنيا العنا والعقايب
واليوم عان الناس في عالم الغاب=وكل على الفتنه يسوق الركايب
وبقعا لها دوره على كل الاقطاب=وغرابها ينعق بروس الزرايب
كم جيل فيها لامسه نوبة اعجاب=وداستهم الاقدار بامر النوايب
وديار قوم فالسما نجمهم غاب=واقصورهم صارت وحوش وخرايب
ياليتها تحذف وتضرب بمشاب=يمدى رويس ام التهاويل عايب
لكنها تلعب على كل لعاب=ولا وراها غير ذل ونكايب
شف كيف راسي من ملاعيبها شاب=الله يجازيها غدى الراس شايب
خذتني الهيبه وانا كنت ماهاب=ولاكنت احسب للتعب والصعايب
ودي اقضي باقي العمر وان طاب=في نجد وارقا في علو الرقايب
ازحم ذياب النير في كل مرقاب=واجر موال له الراس طايب
لاشفت براق الحيا يسهب اسهاب=والعشب ريحه مع نسيم الهبايب
والشمس يوم تبين يوم لها حجاب=مهوب حجب الليل حجب السحايب
وبيت الشعر ثبتت اركونه بالطناب=والذود قدمه من خيار الكسايب
هذا مناي وغايتي وطب الاطباب=ارتاح لو دمي من الهم رايب
ومن لاعمل للاخره ياكل تراب=ابن ادم لربه بلا شك ايب
والادمي لابد يذكر بما جاب=ولابد ينشد يوم من وين جايب
اخفيت مافي الصدر منيب مرتاب=هذي حياة العبد فيها سبايب
وارجي الذي من يطلبه دوم ماخاب=يغفرلي اللي عنه اصبحت تايب

[/poem]