اللي كساها الستر جلباب ولثام \ من شافها يبطي عظم مانتقدها

[رائد المرشدي]

قصيده للشاعر المبدع مشعل حسين المرشدي الروقي ( المحنك )



[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

اليوم هذا غير عـن كـل الأيـام=والليل هـذا عنـدي امـر وأدهـا
بين الغرام وبين تحقيق الآحـلام=الله مـن نفـسً تزايـد نكـدهـا
قامت تداعبها الهواجيس بأوهـام=من كثرها عجزت لحصي عددهـا
وطير السعد له عدة ايـام ماحـام=والله يعلـم ضيقتـي وش بعدهـا
فكري غدا من حيرتي عدة اقسـام=ولي حالةً تصعب على من شهدها
ياذكريات العام واللي ورى العـام=الفايته وشلـون يرجـع رغدهـا
طول سبات ألحظ عاثـر ولاقـام=وعزي لحالي دام حظـي سندهـا
لاقلت عاوني ترى الـدرب قـدام=قـام يتثنـى والمواقـف جحدهـا
وانا من الأقدار مونـس ومنظـام=يافارج الكربـات عجـل سعدهـا
ضاقت ولاعاد احتمل كبر الابهـام=يوم السهم وجـه لكبـدي لهدهـا
سهمً لكن ماهوب من عند الأخصام=ولاهوب من يمنـا عـدوً جردهـا
جاني من اللي حطمت كل الأرقـام=سبحان خـلاقً بحسنـه فردهـا
عنقً نحيفة خصر ورهيف انسـام=مزيونت ًبيـن الخلايـق وحدهـا
تقول بين الصدر والـردف قسـام=يفصل مابين اردافها عـن نهدهـا
جمالها فتنـة و للعيـن سلهـام=تربك مشاهدهـا ولـو مانشدهـا
تحكم بليا شـرع وتنفـذ اعـدام=وجدي على جمراً يغطـي بردهـا
اللي كساها الستر جلبـاب ولثـام=من شافها يبطي عظم ماانتقدهـا
لاجا يبي ينطـق يصيبـه تلعثـام=ويضيـع الكلمـه بعـد يعتمدهـا
راحت وانا من بعدها مالي عظـام=والنفس باالضيقات كثرت عقدهـا
احـاول ادلـه وتسلـى باالأقـلام=ورسم ملامحها وصـور جسدهـا
رسمي وتصويري بتدقيق وحكـام=ومن وين مالديت باالعين أجدهـا
والصوره اللي في خيالي من العام=يمكن تريح خاطري مـن بعدهـا
والا الأصل روح ونكست الاعـلام=بعد استدارت وأشرت لـي بيدهـا [/poem]



.