صغيرهم مادنق الراس تدنيق**ختم العتيبي صح ماهو تجاري

[ابوتركي العنزي]

اهداء لعتيبه الهيلاعموم جميع من اصغر شخص الى اكبر شخص ولاتهون كل القبايل الثانيه والمعذره مقدما اذا اتيت بمالايرضي ذائقتكم الشعريه لكني واثق ان عتيبه بتجمل قصيدتي واذا احد نسقها بيض الله وجهه
================================================== ========
للبيت شاعر والشعر له طورايق***وللحرف كاتب والقلم له قواري
وللبنت عاشق والكرم له عواشيق***والطيب يلقاله من الناس شاري
وناعشقت اهل الكرم والمواثيق***الي على صيد الضواري ضواري
انا اشهد انه ماعليهم ملاحيق***بيضان الايدي واصلين المحاري
احبهم حب(ن) لزى بالمعاليق**وحب(ن)لغير اهله من الصدق عاري
ومن حقي افخر بالرجال المطاليق***وبعتيبه الهيلا يزيد افتخاري
في برق(أ)ولاروق من غير تفريق***الي لهم عند المناعير طاري
ذباحه الحايل بوقت(ن)به الضيق***لطامه العايل اذا الدم جاري
ولحد(ن)يشبهم بضلعان وطويق**ذولا مقابيس الوغى بالصحاري
سميتهم شمس العرب بالمغاسيق**والشمس تحرق مكثرين الهذاري
على العدا سم (ن)على فكه الريق**وخويهم ماجاه بالوقت باري
رجالهم يحل صعب المواسيق***وحريمهم مادوجن بالعصاري
وصغيرهم مادنق الراس تدنيق***ختم العتيبي صح ماهو تجاري
وشعر(ن)قصر دون الرجال المطاليق**ماهو شعر لو لبسوه الخزاري

شعر:سعود الجبوري العنزي