بيت القصيد

[الصهد]

[align=center][tabletext="width:60%;background-image:url('http://www.otaiby.com/vb/backgrounds/14.gif');"][cell="filter:;"][align=center]

من فهم يالفهيم افهم وفهمها
اقرها واترك الاجيال ترويها
من نصح بالنصيحه ناصحن منصح
صاغها درتن تبهر معانيها
من كتب يكتب المكتوب بكتابه
واضحن ماتلوى في مراقيها
لامشينا مشينا مشيت الماشي
والشكاله دروبن دوم نمشيها
راسم الرسم يرسم وانرسم رسمه
وجمة البير تظهرها سوانيها
هندسة كل من هندس اهندسها
واخترع والصعيبه مبدعن فيها
البداوه بدينا في مباديها
واحتمينا حمانا مانخليها
بالكرم نكرم كرامن تكرمنا
نذبح الحيل واللطمه لغاويها
بالحرايب حرابن تحرب الحارب
ناخذ الذود لو الشيخ حاميها
ننتخي لانخانا راعي النخوه
والقطيره من البوقه نداريها
محزمن مايحيزم لاتحيزم به
ينقطع بك وتهلك في مهاويها
محزم الحزم نحزم به محازمنا
ننطح القوم مانحسب بلاويها
اعتصم بالعصيمي معصمن يعصم
عزوتن لااعتزت تعرف عزاويها
[/align][/cell][/tabletext][/align]