قصيده بهدم قصر برزان

[صوت الطنايا]

[align=center]اخواني هذه القصيده قاله الشاعر عبدالعزيز الدعيع رحمه الله
عندما قام ....بهدم قصر برزان بحجة التوسعه لسوق حايل وعندما
اخذو الاذن من اعيان البلد وكباره وقعت بعض النفوس الضعيفه في
شبكة المصيده .......والحمدلله على كل حال لايذكر الا قله من اهل البلد وقعت وكان فرد من اهل المنطقه من الريشان من الجعفر من شمر كان كل صبح وعصر يتفيّا بضلال (مشرفه) ويتذكر ايام العز والازدهار وهو طاعن في السن وعندما هدم يقال انه دخل الي منزله مثل بكاء الطفل و عقبه حرّم الخروج الى السوق حتى توفاه الله رحمه الله رحمة واسعه عاد مافي هالبلد الا هاالولد قالو نبي نهدم هالقصر نبي نحط مكانه السوق.
يقول الشاعر :[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="double,5,orangered" type=0 line=0 align=center use=ex num="0,black"]
عزاه من قلـب سعـى فيـه ديـدان ........عيّا يطيق الصبـر مـن حـر مابـه
الله يبّدل ساعـة العسـر باحسـان.......النفس مـن كثـر اللواهيـب ذ ابـه
والعين عد بموقهـا شـب نيـران... ......وجفونها من كثر الاغضـاب شابـه
الناس نوما واسهر الليـل حيـران.........والقلـب كـن سـم الحيايـا لجابـه
مرحوم ياقصر السناعيـس بـرزان........غـدا محطـه للسـوافـي تـرابـه
من يوم شفت العث يسعـى بدمـران.......بكيـت يـوم ان( الدركتـر) مشـابـه
ماهو غـلا مـار للنفـس ميـز ان.........راحو هله اغـلا منـه هـو قرابـه
ياما شبع به مـن هفـي ٍ وجيعـان.......والله مـن شيـخ عزيـز لفـا بـه
مضيف اخو نـوره تولّـوه قصمـان.......يحتـّس لامـن القصيمـى وطابـه
ياويلكم لو يظهـر اليـوم سرحـان... ....وينجال عن ذيـك النصايـب ترابـه
والله ان تلقـى بكـم تقـل خيـفـان.......لاجاه من وبل السماء لـه سحابـه
ياعين لا تبكيـن فـي هـد بـرزان.......ابكـي حـرار بالمـلاقـا ذ يـابـه
تر ضدهـم مايرقـد الليـل حيـران........مثـل السبـاع ليـا تعـاوت بغابـه
دنيـاك مادامـت لكسـرى وعدنـان.........صيـّور ماتضفـي عليكـم تـرابـه
ماينفـع الا الطيـب يبقـا بـرهـان..........هذيك شمـس اسفـرت ثـم غابـه
ياعلكـم ياللـى سعيتـو بــرزان.........من هـد سـوره ياخـذ الله شبابـه
البوم صقر بيومنـا صـار ياخـوان........الحر مايسمـع لـه اليـوم جابـه
من عقب ماهو ماكره راس ضلعـان.......اليـوم بالسيسـان هـو والكلابـه
والسبع عقب الفرس مافيـه نيبـان.......وابا الحصيـن اليـوم ياشطـر نابـه
صارو عوض لباسة الجوخ سلقـان..........دلـّت تشيـر وصـار ذرب جوابـه
مار البلا اللـي تقـل روس خرفـان.......كل يبـي لـه تجـرة فـي خرابـه
مرحوم ياللى حرّم السـوق زهـدان.......حتـى صـلاة العيـد ماسـار بابـه
هذاك ابـن ريشـان عسـاه بجنـان.......اطلب عسى لـه د عـوة مستجابـه
مضيف اخو نـوره تولـوه قصمـان.......يحتّـس لامـن القصيمـي وطابـه[/poem]
والقصيده فيها اكثر من بيت ماحصلتهن

وسلامتكم


__________________