عتيبة الهيلا الزحول المعاطيب

[عبدالله بن ذيب الدوسري]

السلام عليكم ورحمة الله وبركاته
اخواني منتدى قبيلة عتيبة العظيمة
يشرفني ويسرني ان اقد قصيدة
في عتيبة الهيلا كوفاء
حيث تربطني مع بعضهم صداقه
وطيب وصفاء خوة

[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

جزل القصيد من الجزال المهاذيب = يطرب لها الشاعر على نظم الاشعار
هيضٍ ورى هدف الضلوع المحاديب = من منهلٍ حلوٍ مواريده غزار
مثايلٍ تطلق حجاج المناديب = تشرع لها ابواب الرحابه والانظار
المدح فكرام الّحى مثيب ومصيب = تردد لها والنعم ويثنّون تكرار
للبرق ماطر وللطراقي معازيب = وللقافيه شاعر وللخيل مضمار
والطيب يحضابه بعيد المحاضيب = يسبق على العليا بعيدين الاذكار
المدح في عتيبه رحيبٍ ولا ريب = ماتقصر الكلمه ولاتشيب الافكار
اطلق عنان المدح وسنّد على طيب = ومن الرهاوه اغرف وطب وختار
الحق ماغطه حميد العواقيب = ونفسي لها في مدرج الحق معبار
شاعر ولي مبدا وعرف ومواجيب = وهذي لها شيمه وقيمه ومقدار
رفعة معرفتنا سنام المطاليب = وعتيبه الهيلا لها الطيب يندار
تضرب لها تحية العز والطيب = تحيةٍ تشهربها احرار لحرار
عزاز النفوس الوافيين الاصاحيب = ربعٍ صداقتهم مثل صبح الاسفار
صدق ونقى وعرف ورحابه واساليب = ثلاثين عامٍ مع صواريم سنجار
وياعنك مافيهم ملام وعذاريب = يسقي مواطن عرفهم وبل الامطار
حصون الذرى من حاميات اللواهيب = خويهم مايلحقه ظيم واكدار
يدرون حسة خاطره الهباهيب = يفدى معرفتهم قصيرين الاشبار
خوة وفى تغتاض منها الاجانيب = ولها على سلم العرب شيمة ونار
من الدواسر لابتي والمناسيب = وكني من عتيبه على طيب ووقار
اهم الميامين الدهاه اللواليب = سلة شبى السيف ومداريع الاخطار
هم مزبن الهارب من الخوف والريب = دخيل الوجيه اللي لها البشت والكار
الراسخين الظاهرين الغواليب =الغانمين المستقيمين الاخيار
عتيبه الهيلا الزحول المعاطيب = سلاطين وثقال ورفيعين وكبار
لطامة العايل كعام المغاضيب = ذباحة الحايل ذرى الضيف والجار
تاريخهم والمجد هول وتعاجيب = بسيوف هند وشلف وفرسان وامهار
عزمٍ يذلل كل عسرات وصعيب = سلايل هوازن منجبة كل مغوار
للصيت ذكر الشيخ عطب المضاريب = بن حميد ماحلا سجدتينه بالاسحار
ومبعد مغازيّه على شمّخ النيب = ويا مطيب اشعاره على شبة النار
قلته ونا والله مالي مطاليب = الا انها تبقى وفى وطيب تذكار
قولٍ عليه ابهام عبدالله بن ذيب = من دوسري الحق يجهربه جهار

[/poem]

الشاعر / عبدالله بن ذيب الدوسري