الشعر : ادب و امثال

[رشيد الكسر]

السلام عليكم ورحمة الله وبركاته

اسعد الله جميع اوقاتكم بكل خير ومسره .. اسمحولي بطرح هذه
المتواضعه عسى ان ترتقي ولو للقليل من رضى ذائقتكم .

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الشعر ادب وامثال ماهو روايات = يامدعين الشعر لا تظلمونه
خلوه لاهله ياصغار المقامات = ماتعرفون الشعر لا تكتبونه
الشعر من وقت العصور القديمات = تاريخ لاحداث العرب يحفظونه
يموت منه احيا ويحيا به اموات = ويخلد الشعار ويخلدونه
ماهو بمثل اللي تقولون هيهات = عنكم بعيد ومثلكم مايجونه
كم شاعرٍ يكتب ويسرد حكايات = ويقول انا العارف وانا اللي تبونه
قصايده مثل القصص والخطابات = خالي من الشعر وروائع فنونه
لو كان شاعر مال شعره ملذات = لا صار لا معنى ولاهو يصونه
قصّاد يكتب ماطراله على الذات = ادنات ماحرك وهيض شجونه
هذي قصايدهم على كيف ماجات = ماهي بشعر اللا عليهم مهونه
عديتهن ياسامعي عشرة ابيات = لراع القصيد اللي قصيده يخونه
[/poem]

وسلامتكم

رشيد بن شعيفان الكسر