علميني كيف أذوب مـن الغـلا والشاهـدالله
لين أقول أن الهوا قتال وجروحـه عطايـب
وأن خذتني سكرة من رمشك الساحر وضلـه
قلت ينصر دين من سماك ياحلوه (سحايـب)
ياهنـوف لقبلـت يمـي لهـا شعـر تفلـه
لاحسد كن الذهب يلمع على شقـر الذوايـب
من رغدها ينعـم الفستـان ويـراوح محلـه
كنها تفاحـة الشيطـان ملعـون الصلايـب
علموهـا ربعهـا علـم مـن أول ماتـدلـه
كيف تدخل قلعت السلطان وتسوي العجايـب
علموها كيف لامرت علـى العاشـق تذلـه
مادرت عن طلعت الشيهان معطوب الضرايب
يوم مرت شالها الوردي على العاتـق تشلـه
مرها الشيهان وختل النحـر قبـل الترايـب
عادته حتـى لـدرب الحـب مايقبـل مذلـه
لو يقول أن الهوا قتـال وجروحـه مصايـب
يا سحايب لو سكن في داخلي عشرين علـه
ماحنيت الراس غير الخالقي جزل الواهايـب
ياسحايب كيف أطالع تحت ونجومـك مطلـه
كيف أطالع لثرى وشمس من خلف السحايب
رحم أبو منهو تحزم بالزراف وجـاب سلـه
جاب مثلك مهـرة تنثـر شعرهـا للهبايـب
بس فيهـا حاجـت لامـرت العاشـق تتلـه
تنثره وتجمعه وتحـط فـي قلبـه نصايـب
ون حنا راسه عسى سمّر السحايب ما تبلـه
كيف لو عاد الهوا فزعه وهوشات وطلايـب
منقول
| 
|
05-22-2006, 05:31 PM
المواضيع المتشابهه
العرض الشجري