يا صاحبي ذاك الدرب يذكر ملامح قصتك

[همس النسيم]

يا صاحبي ذاك الدرب يذكر ملامح قصتك
جف الحكي وتكلمت دمعات فعيون الرجال
يا صاحبي مقسى الوقت لما يباغت ضحكتك
يحمل جروح فباقته ويغرس جراحه ف الرمال
يا صاحبي شفه الزمن ينثر عباية جدتك
هذا الزمن ولا نحن بعنا بخساير يا ظلال
هذ الزمن رجع الصدى والصوت ضاع فغزتك
الصوت دوي القنبله والرجع صبر واحتمال
شوف الشوارع صامته واطفال فيها تهتلك
شوف المقابر تمتلي وشوف الثكالى والعيال
شوف العجايز فالظلام وشوف كيف بهن فتك
موت عشق جدرانهن جدراننا فيهن جمال
ياصاحبي ذي وجوهنا شف ذلها فمرايتك
عشنا نغص بحلمنا وتاهت ضمايرنا خيال
لا تنحني يا جدتي ربك بيمسح دمعتك
لاتنحني دامك وطن وارمي عدوك ف المحال
آهت ألم ....صرخة ندم ....ضجت بها سنداتك
والطفل يحضن والده ينطر وصبره ذاك طال
ياهالعدو حنا عرب خذنا نحن بَرّايتك
برّي الرمح فضلوعنا واحصد عمرهم كالغلال
نحنا الصمت يا هالعدو حنا الخضوع لسطوتك
نحن الوقت لما انكسر نحنا ضحايا الأنحلال
ياجرحنا لا تلتئم خلهم يشوفو صفحتك
خلهم على جرحك دوا وردد معي هذا السؤال
ياهالعدو وش ذنبها طفلة تموت بطعنتك
تجمع وردفي سلته ولموها مثله في سلال ؟؟؟؟