عند الاشاره من تحت كبري الفحص

[؛؛ابو ريناد؛؛]

عند الاشاره من تحت كبري الفحص
والناس بالزحمه تحرى الاشاره
كلٍ على الممشى ليا ولعت حرص
واللون الاخضر كلنا بانتظاره
ناظرت والا ينقرص خافقي قرص
واحس في جوفي تزيد الحراره
شفت الجمال اللي منزه عن النقص
بالمقعد الخلفي يمين الغماره
سبحان من كمل حلاها بلا بقص
حتى تجلت بالحلا والنظاره
قمت اتوقع عمرها واخرصه خرص
وقمت اتخيل بيتها باي حاره
وقمت اتخيل كانها طبت الرقص
الله واكبر ياحياة الاثاره
واصحى من السجه تحت كبري الفحص
على البواري وانفتاح الاشاره



منقول