لعل أبو معوَّض جنة الفردوس منزاله

[النير]

بسم الله الرحمن الرحيم
السلام عليكم رحمة الله وبركاتة
قصيدة رثائية في المغفور له بأذن الله
الفقيد حنس بن طريخم بن معوض ابن شدة
لأبنه الشاعر الشيخ عبدالله


سلام الله ورضوانه على اللي مات لا ما مات
ترى اللي مات لو هو حي من هو ماتت أفعاله
وأبوي الله يبيحه طول عمره يكسب الطالات
بفضل اللي على خلقه ماتحصي خلقه أفضاله
على منهج هل التوحيد ويسابق على الطاعات
وبأفعال الرجال ليا تكلم صدَّق أقواله
عزيز النفس محمود السجايا دامح الزلات
يُرد الرأي له وليا بغا دربٍ تهيَّا له
شديد الباس طيِّب ساس بين الناس له وقفات
قوي عزوم مقدم قوم يجلى اللوم بأعماله
وسيع بطان ذرب لسان والاحسان له عادات
طويل ذراع ذكره شاع والاسناع من فاله
كبير الجاه من ناجاه فيما جاه همه فات
ضحوك حجاج والمحتاج من هداج منهاله
كريم طبوع نادر نوع أصل وفروع طيِّب ذات
يحب الخير والتيسير والتقدير يهداله
عسى من هذي أوصافه يكون بعالي الجنات
لعل أبو معوَّض جنة الفردوس منزاله
ألا يالله تغفر سيته يا غافر السيات
وتجعل في نهار الحشر بين الرسل مقياله
وألا يالله تجبر كسرنا يا جابر العثرات
وتغفر للفقيد وترحمه وتعوِّض عياله
حمدنا الله على ما قدَّره يوم النهايه جات
ختم للشيخ بالتوحيد وأيضا حقَّق آماله
عزانا في وفاة المصطفى هي نكبة النكبات
صلاة الله عليه إعداد وبلٍ هلَّ هماله


والسلام عليكم ورحمة الله وبركاتة......