مرثيه في حاتم عتيبه رحمه الله
يا اللي من الاعماق للشيـخ تنعـون
بعـد رزتكـم فالفقيـد الــروازي
يالابتي فـي شيخكـم مـا تلامـون
النـادر الهيلـع ثقيـل الـمـرازي
شيخ ٍ يبا يبطـي وربعـه بيبطـون
طـاو ٍ ضمايرهـم عليـه النحـازي
ليت البشر عن نعي الاموات ينهـون
الا فابـو خالـد ومثلـه مـجـازي
لو البكا ما يحيـي اللـي يموتـون
لكـن يبيـن حجـم قـدر العـزازي
طبع البشر عن بعض الاموات يسلون
قـدام لا تكمـل ثـلاث التـعـازي
ومثل فقيدتنا من الصعـب ينسـون
ومهما نعزى فيـه ماحـد ٍ بعـازي
شيخ ٍ ورث مجدا ً له احقاب وقرون
مجدا ً بنـوه ابـاه يـوم المغـازي
صرح ٍ له قبـاب رفيعـات وركـون
مثبت ٍ ساسه على ارض ٍ عـزازي
من الزوابـع والاعاصيـر مامـون
دب الدهر ما صـار فيـه اهتـزازي
شادوه سادات ٍ على الموت يـردون
وعلـى عداهـم ياخـذون امتيـازي
رجالهم لا طب فـي ساحـة الكـون
من الصطر كنـه بحفلـة جـوازي
ويحجون بايـام الشدايـد ويقـرون
لا صـار بديـود المنايـح غـرازي
واحفادهم مع درب الاجداد يمشـون
ما جابهم عن سلم اهلهـم نشـازي
وتاريخ ابو خالد بالامجـاد مقـرون
كله لنـا مجـد وفخـر واعتـزازي
من اللي عن حياض الكرامه يذودون
ولهفوة الصاحب ماهـوب انتهـازي
من طبع ابو خالد مثل مـا يقولـون
بالطيب يجزا بالـردى مـا يجـازي
يملك مكـارم حاتـم اللـي يعـدون
وعلى احنف بن القيس بالحلم فازي
وسره عن الادنى والاقصين مكنـون
ولا يستمع دقـة جويـزي وجـازي
ماهوب جسم انسان في شكل بالـون
ويـدار بالريمـوت مثـل الجهـازي
والناس عن دانيه واقصـاه يـدرون
صندوق سـره مثـل درج القـزازي
ويوم ارتحل عقب لنـا كـل دنـدون
شبول ليـث ٍ غابهـا مـا يهـازي
بالطيب وبليـن الجنـاب يتمـارون
وافعالهـم لفعـال ابوهـم تـوازي
عسى ابو خالد بين جنـات وعيـون
ويفوز حيث الاتقيـا الهـم مفـازي
وصلوا على الهادي عدد مـا يلبـون
ومـا هـل نـون بارقـه فالعيـازي
الله يرحم ابن جامع
| 
|
04-28-2012, 09:17 AM
العرض الشجري