...مرقاد الحصير...

[محمد بن نجر]

اتمنى ان تحوز على بعض الرضا

7

7

7

[poem=font="traditional arabic,6,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

نام لو يتعبك مرقاد الحصير=خل قدوتك الرسول اطهر بشر

وان بدى في جبهتك لفح الهجير=لاتعاين فالقصور وفالصور

لاتمد الشوف قدمك للاخير=خل مداته على ضوح السفر

ضاع عمرك بين شهقات وزفير=الضما حاديك وعيونك نهر

تستبيح السير بقدام الضرير=وانت مركب واول اعدائك بحر

كفك المجداف واشراعك ضمير=والرياح تهب واهدافك خطر

مستحيل تصير لاحلامك مدير=والمدير إيصف لاطماعك نفر

لاتحط الكف من فوق الحرير=ماسمعت الصوت كلا لاوزر

زلتك بعيونهم شي خطير=وان وقعت بكفهم وين المفر

لاتخاف ولا تحب ولا تغير=الوجوم كتاب وافراحك سطر

لاحبست الصوت في صدرك اسير=لاتعاتب من يخون ومن غدر

خلهم بين المصير ولا مصير=من فلت حبل النجاة اليا سقر

ركز اسماعك على صوت الاثير=بكره الايام تاتيك بخبر

لا تهاب الظلم وانفاسك بخير=نيتك بيضا وطاروقك عفر

طول عمرك وانت في عيني كبير=انت تكبر بس حلمك ماكبر[/poem]




.