هذه القصيدة القديمة قلتها عام 1407هـ
موجهها لأحد الأصدقاء
سرى الليل وقـفى والصباح ابتدى نوره
......................وانا النفس مع كثر الهواجيس مرهـقها
اجامل وكن بضامري نارتنوره
...............................توقد بصدري والمعاليق تحـرقها
على اللي ملكني وودع النفس مخطوره
.............................تقافت ضعـونه يافهد ودي الحـقها
تقافت ضعون اللي من البيض مستوره
............................على دينها واخلاقها الرب رازقـها
خلقها العزيز وحطها باحسن الصوره
........................وسبحان رب ٍ باحسن الخـلق خالـقها
ولوطبت الواد المحل تطلع ازهوره
..........................يربع جنابه والهوى الطلق يطرقـها
ولوالدجيما شافها ولحقت دوره
...........................تنازل عن اللي مات منها ويعشقها
ولوشافهاعود ٍ تعكز بباكوره
..........................خطيرن هدومه فوق جسمه يمزقها
وانا ذقت باخرحبهاحلوومروره
...........................جرعت المراره والحلاه التـذ وقـها
ليا جيتها قلبي تضاحكله سروره
.........................ولارحت عيني صافي الدمع يغـرقها
بعد ما صفا جوي بدا عج وحروره
............................احسب ثواني ساعتي مع دقايـقها
مريض الهوى في علته عجزدكتوره
.........................علاجه مواجه عشقته عن مفارقـها
عرضلي غشيم ٍ غر بعض العرب شوره
.............................ليا سمعته قام المشاهيب يلحـقها
على المشكله يشب ناره بدا فوره
..........................عسى لحيتن ماتكرم الموس يحلقها
يودي وياخذ علم من وسع حنجوره
......................... سبايب مشاكل ناس هرجت منا فـقها
احد سللي سيفه واحد حد صاطوره
...................................وناس ٍ تحداني تزهب بنادقـها
ابانخا رفيق ٍ رفـقته معي مخبوره
........................ ليا قام سيف ٍ روس الاخصام يشنقها
ابا فزعتك يالقرم فزعتك مذكوره
.............................. لعل الحبال اللي بها عقد نطلـقها
تحزم برشاشك معي وامل شرشوره
............................نبا الطغمه اللي تزرع الشر نفرقها
يومنك رفيقي والمواقيف مشهوره
...........................وعيب ٍ على اللي رفـقته ما يحقـقها
جهز الهرس
| 
|
04-04-2012, 11:14 AM
العرض الشجري