الـــصمت حـكـمـة والـمجــــالس لـهــــا ذووووووق

[برقاوي هواوي]

سرياقلم وكتب من الشعـر طـاروق"
"هوجاس شعـرٍ بالخفـوق ارتطامـه


يصفق بقلبٍ من عنا الوقت مصفـوق"
"قلـبٍ مغربلـه الزمـان وحطامـه


يفـز للعلـوم المطاليـق ويـتـوق"
"دائـم علـى العليا همامـه همـامـه


بعده سـلامٍ عـد مالاحـت ابـروق"
"يكشف سناها الليـل لظلـم ظلامـه


سلام احلى من لبـن طيـب النـوق"
"وحلى من انتاج النحـل فـي تهامـه


إليـك يامسعـود والعلـم مـرفـوق"
"مرفوق وانت ادرى بدرب السلامـه


انصحك لاتمشي مـع كـل مطفـوق"
"ولا جـبـانٍ كاسيـتـه الرخـامـه


ولاكذوبٍ يجعـل الطـاق مطبـوق"
"اعـوج خلقـه الله بـدون استقامـه


وحذر من الشبهات وحذر من البـوق"
"ولاتصاحـب مـن غشتـه الملامـه


وعرف ترى المجلس له ادآب وحقوق"
"هـرجٍ قليـل وضحكـةٍ ببتسـامـه


ومن العيوب الثرثـره علـم ماثـوق"
"علـمٍ موثقتـه رجـال الزعـامـه


والصمت حكمه والمجالس لهـا ذوق"
"والضحـك مايـرث لـك إلآندامـه


خلك عزيز ومنـزل العـز مرّمـوق"
"والطيب لهل الطيـب يبقـى علامـه


يبقى مقامك فوق وتعيـش بـه فـوق"
"والـرجـل يفخر لاتعـلا مقـامـه


يبقى احترامك يكتسي كـل مخلـوق"
"والمحترم علـى الجميـع احترامـه


مكـارم الأخـلاق تمنعـك فالعـوق"
"وتحط لك تـاجٍ علـى كـل هامـه


خلك حكيم السان في كـل منطـوق "
"والرجل بين النـاس يحفـظ كلامـه


وحرص وخل قلبك للسرار صنـدوق"
"خلـه يجـي لسّـر فيـه انسجامـه


وقنع بقسمك لو من النبـت زملـوق"
"اخير لـك مـن مـد يـد الهلامـه


وان صك توك باب سوق القدم سوق"
" للباب ألآخـر ينفتـح لـك كرامـه


ادرك سبب مادآم لك قلب وعـروق"
" يضـخ فيهـا القلـب دم الشهامـه


واصبر مدامٍ كـل مطـرود ملحـوق" "
من مبتـدى الدنيـا ليـوم القيامـه


والقلب خـل كنـه معلـق بعالـوق"
" بالله وحج وصـل وكمـل صيامـه


والوالديـن إلبرّهـم خلـك مسيـوق"
"وخفض لهـم جنـاح ذلـك رغامـه


سانح لهم في شفهم ومـش برفـوق"
"فـي مايحـل الله وجنـب حـرامـه


والوالده صَـن قدرهاداخـل المـوق"
"وحرص على الشايب كبير العمامـه


وعداد ماهـز الهـوا كـل غرنـوق"
"صلوا على اللي منهج الحـق اقامـه




م
ن
ق
و
ل