يالمنتدى يأعضاه يالزوار يالعقل النبيل \ هاكم قصيدة من يوف القافيه ماجوبها

[رائد المرشدي]

قصيده للشاعر القدير مشعل بن حسين المرشدي ( المحنك )
موجهها للشاعر مدله الضميان الجذع ( المبرمج )


قصيدة مشعل المرشدي


ياربعنـا يأهـل الوفـا والطيـب والشـعـر الجـزيـل
يـاهـل الفـعـول الـلـي بطـيـب اعمالـكـم فزتـوبـهـا


يالمنـتـدى يأعـضـاه يـالـزوار يالعـقـل النـبـيـل
هـاكــم قـصـيـدة مـــن يـــوف القـافـيـه ماجـوبـهـا


بدعـتـهـا والـــراس شـامــخ لايـحـيــل ولايـمـيــل
ولبستهـا مـن صـادق احسـاسـي وشـعـري ثوبـهـا


صنفرتها لين اصبحت تلمع كمى السيف الصقيـل
وقـدمـتـهـا يـــــوم الـنـشـامــا قــدمـــو مـنـدوبـهــا


ومرت على اصحاب العقول النيره تصهل صهيل
حـيـوبـهـا يـــــوم سـنـحـتـهـم كـلــهــم حـيـبـوبـهـا


لأن العـدالـه ديــدن الـعــادل ومـيــزان الأصـيــل
عــنـــده عــدالـــه والــعــدالــه رافـع"مـنـسـوبـهـا


ماهمـهـم هــرج السفـيـه ولاتـبـعـو قـالً وقـيــل
واهـــل الـنـوايــا والـلـوايــا كـاشـفـيـن اسـلـوبـهـا


نـاسً لـهـم خـبـره وخبرتـهـم تعـانـق مــع سهـيـل
لـو الـقـوافــي عــســـرة الـتـحـلـيــل مـابـلـشـوبـهـا


ويامـفـسـر الأحـــلام لافـسـرتـهـا عـقـلــك دلــيــل
لاتـتــرك الـهـامـات وتــعــود عــلــى عـرقـوبـهـا


وان كــان مافسرتـهـا تـــرى المـبـرمـج مايـعـيـل
ايـحـلــل ابــيــات الـقـصـايـد ويٌــعــدل مقـلـوبـهـا


شاعر كفو واصلـه مـن اللـي يعشقـون المستحيـل
أهـــل الـفـعـول الـلــي تشـرفـهـم لـيــا مـاروبـهــا


كلً عـلـى هـرجـة لسـانـه لاهــرج عـنـده دلـيـل
الا الضعـيـف هـرجـتـه دايـــم يـحـصـد اذنـوبـهـا





رد الشاعر مدله الضميان الجذع الروقي


انهار شعرك يابن مرشد فـي عذوبـة سلسبيـل
غنوبها اللي يعشقـون ازكـاء الشعـر غنوبهـا


شجرة جزيل الشعر لو طالت على شعرك تميـل
تحني لك الهامه وصوبـك متفـق مـع صوبهـا


كلمات مبدع يابن مرشـد دوم فـي حقـك قليـل
مبدع وشعرك عانق امزونـاً تهيـض انصوبهـا


هيضتني ليـن المشاعـر ولعـت روس الفتيـل
يـادوب راقـت لـي قناديـل الشعـر يادوبهـا


حاولت اجاري شعرك اللي حاصله معنى الحصيل
شعرك ثنـا روس الشـوارد ليـن دش قلوبهـا


ماقلتها اجامل بشر ماقلتهـا ابـا اظهـر حفيـل
ناسـاً تحـاول تنقـل الحيـه بوسـط اجيوبهـا


خيل سحاب الشعر لين الشعر سال مـع المسيـل
وامطر على الجرباء ولو ان الجـرب بجنوبهـا


والى شرقت شمسه كثير النـاس مايلقـا مقيـل
اللـي قديمـاً طوبهـا واللـي ضعيفـاً طوبهـا


ياكثـر نـاس ماتفـرق فالعـوا والا العـويـل
ناسـاً يخلطـون الهجينيـه علـى مسحوبـهـا


الشعر ديوان العـرب يبقـا لجيـلاً بعـد جيـل
نادوبهـا ياللـي تعرفـون الشـعـر نادوبـهـا