شــاب راسـي نعلبو حكم الغرام !!

[سلمان المالكي]

شاب راسي ..!

شاب راسـي نعلبو حُكم الـغــرام

شاب راسـي كان في الدنيا قـوي

أشـهـد إنـي فاقـد إحساس الكلام

ذيـب حُبّه صادنـي يـعـوي عـوي

والله ما ينفع حــروب ولا ســلام

غيـر نـظــرة مِن عيون المهتوي

لا ضِـوانــي اللـيـل والعالـم نـيـام

لاح بــراق الـشِّـعــر يــدوي دوي

آتنومس واســتعــد علـى الـتمـام

أشعِـل الـقيفان واشْـويهــا شـوي

هـاجســي محكوم والـدِّنيـا هـيـام

والـهيـام أُخـوان أدوّر لـي خـوي

أقــدح المعنـى يصاحبني الـظـلام

بالحرام أهـــواه ضامـي مِـرتـوي

أدري إنـي تِهت جـاوزت الـنظـام

إعـذري سيف الـغـلا يكوي كـوي

بـيـن تحليل الـوجـود مِن الـعــدام

شِـفـت هـم الـبُعـد يطوينـي طـوي

صعب أوضّح لِك ظروف الإحتدام

مِنـزوي عن غيـر ذِكـرِك مِنـزوي

إعـذري وجـدي وتسجيع الـحمـام

وجـد وجـد الـروح يلـويـنـي لـوي

إن تـبسـمـتـي ضِوانـي الإبـتـسـام

و(ن) بكيتي يـا عـذاب الـمـغـتـوي

سامحـي شــوقٍ تـعـدّى الإهـتمـام

يـا فـضـاءات الـربـيـع الـمـغـنـوي

يـا وئـام الـــروح يـا روح الـوئـام

يـا مـتـاهــات الــغـــرام الـمعـنـوي

شاب راســي نعلبو حُـكـم الـغــرام

شاب راســي كان فـي الشِّدّة قـوي

....................................

تحية الورد الطائفي للجميع
سلمان المالكي