المؤشر كـل يـومٍ فـي نـزول
ومع نزوله ارتفع ضغطـي وزاد
ضاع راس المال كله والأصـول
والخسارة مع ديونـي بازديـاد
العيون اللـي تراقبـه بذهـول
سوء وضع السوق حارمها الرقاد
استجن وجنن اصحـاب العقـول
واعجز التحليل واهل الاقتصـاد
شتت التفكير واستعصى الحلول
حارب الأخضر وعاف الارتـداد
وضع لا نحسد عليه من العـذول
افرجه يامقلب قلـوب العبـااااد
من تعلق لا خـروج ولا دخـول
جا يصيد وطاح في فخ اصطيااد
بالمقدّر مالنا قـوة وحـووووول
لاعتراض لحكمة الله يوم ارااااد
يامنادي هيئة السـوق بحلـول
لا تناادي لا حيـاة لمـن تنـاااد
تنتظر جماز ؟؟ اثريـك مهبـول
وان بغيت الصدق والعلم الوكـاد
ينتمي للمرجفين اهـل الطبـول
والدليل انـه ولا مـره افـاااااد
لا يهش ولا ينـش ولا يصـول
ولا يبـرر موقفـه بالأنتقـااااد
الادارة مايسنعهـا الكـسـوول
والمدير الجاهل يسبب كسـااااد
وانت ياجماز رح بيـع صخـول
واعطني اسهمك في بنك البلاااد
البنوك لظلمها نرضـخ قبـوول
اعتلت في رأس قائمة الفسـااااد
ابشروا واستبشروا هم ويـزول
البياض ليا ظهر يمحى السواااد
دام شال الحمل شيـال الحمـول
اطمأنينـا وكبـرنـا الـوسـاد
اشهد ان الليث يفعـل مايقـول
ذاك ابو متعب عليه الاعتمـاااد
اطلبوا يالله عسى عمره يطـول
ياعسى في كل خطوه له سـداد
تمنياتي بالتوفيق للجميع
منقول لتخفيف الاحزان
| 
|
05-19-2006, 07:45 AM
المواضيع المتشابهه
العرض الشجري