عشنا وشفنا

[سمو الامير]

السلام عليكم ورحمة الله


القصيدة الفائزة بالمرحله الثانية مرحلة المجاراة لقصيدة الشاعر الكبير رشيد الزلامي

اضعها بين ايديكم استجابة لرغبة الاخوة والاخوات



قصيدة الزلامي هنا



اترككم مع المجاراة



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القلب جدّد بلاه وحرّك اوناسه = قاف الزلامي وهلّت له مدامعها
يابو جميل الليالي معترك ساسه = والرابح اللي بخبراته يدافعها
اللي يقيس الامور بعقل وسياسه = ويشوف من قبل مدخلها مطالعها
رجلٍ على حسب طوله يلبس لباسه = مارس وعايش وقاسى من مواجعها
ماهوب من يضرب اخماسه على اسداسه = اللي يحفظ الدروس ولايسمّعها
حنا درسنا الزمن مع ناس درّاسه = بقلوبنا ننحت دروسه ونطبعها
عشنا وشفنا وعفنا الوقت وانجاسه = اللي على الخامله تضرس قواطعها
ناسٍ بوقت الرخا والامن هلاّسه = ياطيبهم فالهروج وفي مذايعها
وان حان وقت اللزوم ودقت اجراسه = مافيهم اللي مطاليبك يسنّعها
لكنّ صبرك على الوقت وعلى اتعاسه = للوقت دورات والايام ما اسرعها
والادمي لو يحوش الدر والماسه = نفسه شفوحه ولابه شي يشبعها
لكن مصيره يذوق المر في كاسه = بكره ليا قام خلاّنه يودّعها
اليا بدت بالصعود وضاقت اقواسه = على النفَس والمنيّة حلّ فاجعها[/poem]


وسلامتكم