علي الحرام أن كني مخدرً تخدير \ بعد مالمحت الخصر والردف واللبه

[رائد المرشدي]

أنقل لكم هذه القصيده الرائعه
للشاعر بوابة عفيف مشعل حسين المرشدي العتيبي ( المحنك )



بغيت أترك الهاجوس وابعد عن التفكير
لكن البلى وسط الحشى النار مشتبه


انا بشتكي لك ياطميان كب الغير
لعلك تبين سارح الفكر وش طبه


سرح فكري لمن صابني بعده التأثير
غزالً عرض لي باالحلى ميزه ربه


على شارع الأسود صدفني يالاقي خير
لاعاد الله اللي صار في جيتي سبه


بعد ماتعديته رجعت وعكست السير
وجيت ولقيته كل شخص يتعجب به


علي الحرام ان كني مخدرً تخدير
بعد مالمحت الخصر والردف واللبه


تجريت قدامه ومثلت دور الزير
يشرق وأسد الدرب قدمه وغربه


خزرني بعينه بعد ماخانه التعبير
وتبسم وقال اليا بغيت الغزل خبه


ومن بعدها كني على حيهم خفير
ابي تركته لاكن عجزت لاكبه


شكيت لك لأن الوضع مايقبل التأخير
اخاف انكشف لقريبن له ثم أنشبه

مشعل حسين المرشدي