لا تنطق الكلمة الا وأنت حاسبها

[عادل العصيمي]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
الناس مثل الشجر والموت حاطبها = وقود للنار غير اللي رحمه الله
لو كان ابا اعد موجبها وسالبها = قضيت عمري بهم وغم وبعلة
يابندر أقرب من النيرة وجاذبها = هات المعاميل عندك وأحكر الدلة
عندي نصيحة محبة ليت تكتبها = سيفٍ وفي مقبل الأيام تستلّه
لا تنطق الكلمة الا وأنت حاسبها = ما كل رجال يبيدمح لك الزلة
احذر تدج السوالف ثم تخربها = بعض السوالف حرام وما لها ملّة
لو انها حق فكر في عواقبها = اللي بقلبك ما هو كلٍ بيفطنله
كم روس زلّة وطارت عن مناكبها = لو كان من روس قوم ومابها خلّة
العوج ما أنته على العدال غاصبها = تقنع وبكره تشوف الدرب وتدلّه
دنياك هذي تعلّم من يعيش ابها = صكاتها تهدي الرجال للعلّة
[/poem]

وسلامتكم