نبت النفل والخزاما غيره وغيره

[جهز الهرس]

هذهي القصيدة قديمه قالها الشاعر جهز عام 1410هـ اجاب بها على سؤال
الشاعر صنيدح القوس

ياالقوس عنك السوالف مانخفيها
....................ان كان تبغاعلومي عن هل الديره
لقيت دارن تشيب راس راعيها
........................يشيب منها كبير القوم وصغيرة
راع المواشي لقيته معذرن فيها
...........................ماعاد يقدرلنوقه حبت شعيره
مهوب لاقي زبون ٍ منه يشريها
.........................فضيت مخابيه ثم كلت محافيرة
ينفض جيوبة ماعنده شي يعطيها
..........................والرمث معاد باق الا جثاميرة
من حوله الدار فانيت ٍ نواميها
....................... والجو دايم معجعجة ٍ معاصيره
من عقب ماهيب بمخضرتن صحاريها
.......................والبوش فيها مجاهيم ومغاتيره
لعل الايام ترجع مثل ماضيها
..................يومن عشب السهل نقطف نواويره
وبيوتنا في رفاع الحزم نبنيها
........................ بيت الشعر حين يبنا جو مسايره
في ديرتن سايله والولي واليها
.......................... ماتو جفت بماها من شخاتيره
والعشب نبته بياض الحزم كاسيها
........................نبت النفل والخزامى غيره وغيره
والمزن عنا شعاع الشمس غاطيها
...........................والفقع يالقوس جونابه مداويره
سنيننا الماضيه محلى لياليها
...........................وقتن تقافت سنينه يالله الخيره
لعل ربي جميع الدار يسقيها
..........................من مدلهن خياله صبح وضهيره




رد الشاعر صنيدح القوس / على قصيدة جهز الهرس


[poem=font="simplified arabic,6,black,bold,normal" bkcolor="transparent" bkimage="backgrounds/4.gif" border="none,4,gray" type=2 line=0 align=center use=ex num="0,black""]

يامرحبا بالبيوت الله يحيها = اللي كتبها بوسط القلب تقديره
يعيش قرم العيال اللي مسويها= اللي شرحلي عن الديره بتعبيره
يومني اشفق على الديره وهاليها= جاني بالاخبار عنها طيب السيره
شرحلي الوضع ببيوتن عطانيها =قال استلم والشعر تفهم تفاسيره
قعدت افكر وحستني معانيها=اثر عليه بعض قيفانها مثيره
لا ياجهز فيه بعض علوم مبغيها = ضيقت بالي وجوي زاد تعكيره
تقول ياصاحبي توحش صحاريها=ومن عنده بعير يزري يطعم بعيره
وتبكي على ايام ماضيتن حلاويها=يوم الينوفي نربع في نهابيره
ايامنا اللي مضت مبغاك تطريها=يالصاحب اللي كثيراتن مشاويره
انا هوايه وروحي دوم مشقيها= ذكرتني في زمانن عمني خيره
ابكي وعيني علامك ليه تبكيها = ذكرتني شوفت البوش ومصاغيره
وارجوك لاجيت ترسللي قوافيها= بعض كلامك تحوالي بتغيره
وسلم وسلم على الديره ومن فيها= اللابه اللي تعز الضيف وتجيره
[/poem]