الشاعر / رضا طارف الشمري يتذكر ايام الباديه سابقاا

[راعي هلا]

[poem=font="Simplified Arabic,5,white,bold,italic" bkcolor="transparent" bkimage="backgrounds/26.gif" border="none,4,gray" type=0 line=0 align=center use=sp num="0,black"]
قال الذي في دفتر الجيل ذاكر "=" جنّك بنات الفكر ياقلب ناجه
من قايلٍ مهي تقاليد وصور "=" من كهرب العسرات صيغة الحاجه
ولا هيضن حب الغنادير يعمر "=" عنهن خلوج القلب هوّن اخلاجه
أسباب ماحرك علي هاجسٍ ضر "=" أثّر على جسمي به الروح لاجه
شفنا بهالدنيا غيارات وعْبَر "=" سفن الصحاري نزل الوقت تاجه
تلوج بشبوك المهونه وتقهر "=" وتزعج حنين والطنى في حجاجه
وبعيونها لعيون مولاه تنظر "=" وتطلب من الرب الكريم انفراجه
وليابغت دربٍ عن الدرب تقهر "=" تلوج وسط الشبك مثل الدجاجه
ومن الطنا عبرات صدره تكسّر "=" هذا سبايب علته وانحراجه
تبكي على وقتٍ مضاله مع البر "=" ترعى ويرعونه اسباع الزراجه
بدوٍ على قفر المراعي تغاور "=" ماجيبله من كل صنفٍ خواجه
واليوم كلٍ من حلاله تخسّر "=" لو يجلبه محدٍ يجيه الحراجه
ياحيف ياعز العرب زينة الدر "=" متروكةٍ لو كان تركه سماجه
من عقب مانرعاه بالبرد والحر "=" وكلٍ يسوي للرحول الحداجه
اليوم بعض الناس عنها توخّر "=" مدري ردى ولاّ صحيح احتجاجه
البل هله راحو ووقته تغيّر "=" اللّي هفى واللي طبع فيه ساجه
وياما غزو يمّه ابقوم تجاكر "=" يوم الزمان اللّي يخيف ارتجاجه
فوق الركاب اللّي له القاع تهجر "=" يتلٍ عجيدٍ ديرة القوم باجه
وعقب المسير اللّي به الهجن تفتر "=" الخيل حَفيَت والمسامير ساجه
خذو صقور القوم جدامهم فر "=" شافو هل البل يوم وصلو مداجه
جابو خبر طرشه عزيبٍ تذيّر "=" الخيل دونه بالمناعير راجه
وقال العجيد بلابته يوم عمّر "=" غيرو على البل والسعد بالمواجه
تواجهو عنده على قرّحٍ غر "=" مثل الجمال اللّي على اول اهياجه
وردن وقفن بالمناعير صدّر "=" وغدالهم عند التوالي لجاجه
وكلٍ على حوض المنايا تحضّر "=" اسباعٍ تسن اضروسها يوم صاجه
ونار الحرايق ولعوها وصبّر "=" واللّي دنى يومه مناياه راجه
وصار الفخر لهل الفخر ساعة الشر "=" وبنت الردي محدٍ يجيه الزواجه
ياتي ولدها تبع ولوماكره حر "=" ماينطح الشدات عقل وزجاجه
وذكرٍ ذكرته يافتى الجود يخبر "=" والما قراح وبين من هماجه
واليوم شفنا قاصر البوع يزمر "=" اللّي من اول يعطي الناس باجه
من فضل حكام الجزيره تحرر "=" ويجاكر العالم ابوارد كراجه
وان قلتله وشلون كيفك ليامر ؟ "=" يقولك كيفي تغيّر مزاجه
ويطول شرحه لوتطرقت لنمر "=" محصي ثمر تاريخ طي وخفاجه
مير يالله من اول يبعث القاع من غر "=" برق ويشوف امخيّله بلتعاجه
بامر الولي ينشد ومزنه تزبّر "=" ويسقي ديارٍ تشتكي من عجاجه
حتى خشاش القاع فيها تدهور "=" ارضٍ مريضه والمطر هواعلاجه
عمارهن اول بمزونه تزبّر "=" يملى الفياض وما ضمى منه باجه
وعسى الحيا بديار الاجواد يكثر "=" وجميع روضٍ يمتلي من نتاجه
وديارنا من خير ربي تعطّر "=" ويزهي نواوير البخت ليفاجه
ونرتاح والشطة احباله تبتّر "=" ويطيب كيف البدوعقب انزعاجه
وتمت بذكر الاله العبد يذكر "=" فرد صمد ماله شريكٍ بحاجه
سامع دبيب النمل بالليل الاسمر "=" ربٍ نولع سرجنا من سراجه
وختم الكلام ازكى صلاةٍ تكرر "=" على شفيع الخلق يوم المواجه[/poem]