رد ثناء لمبارك الميموني وظيف الله الجبلي

[متعب بن طواله]

[frame="9 60"][poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
قرناس راسي ينتل الفكر ويتوق = كفخ سماء ومشوشته النشامي
حلق على الجبلان كسابة النوق=وكسر بحومه للميامين هامي
اللي جمالتهم على روسنا فوق= عصابة المعروف فوق الهوامي
ماله ثمن لابالمجالس ولا السوق= ولايوفيه رد الثنا والكلامي
عذراء مراجل ماتبي كل معشوق= الا مبارك والعقيد القطامي
زرع الشوارب يبني المجد شاهوق= المرجله راسه يفوق السنامي
واليا كتبت القاف ماضيع حقوق= والحق مايهفيه رجلٍ عصامي
نعم بظيف الله على كل منطوق= رجل المهام اللي يديرالنظامي
يفرق بوامره المصيبات ويفوق= يستاهل التقدير الاحترامي
ونعم يتل انعام الاشناب ويسوق=يشدن لحمرن يقتدن ببن لامي
نعمٍ تردده الا ذاعات وحلوق=ويظيف لتاريخ صفحة وسامي
يزها شنب ميموني المجد ويلوق= اللي سطر راسه بليا لجامي
مبارك على الجزلات ماهو بمسبوق=ياحي شغمومٍ وياحي رامي
دقنٍ يجنب صادق القول محلوق=الجدي تقدابه سرات الظلامي
من لابةٍ مبطي بها الطيب مخلوق= علط الرماح اهل النمش والحزامي
مطير يوم الوقت قادم ومفهوق= اهل السيوف اللي تقص العظامي
من فوق قبٍ لا تنازت بهم عوق= اللي تطمّر من قحمها العدامي
قومٍ تجرد للوغا كل مدقوق= راس المطوس يزنحونه شمامي
مداسهم يسكن به النسرويروق= ولامن شبع فوق الاشاويس حامي
كم سربةٍ راحت كراديس وفروق= من ظربهم يقفن بالاعداء حوامي
طياحهم ماهو عن القفر مصفوق= يرتع قفاقيفٍ لها الخوف حامي
الجود برباعه مشاجر وزملوق= شهلول من حمية عليه المضامي
اهل الصحون اللي به السمن مبروق= وكوم الهرافي مثل بيض المعامي
ودلال غرنوقٍ وقف جنب غرنوق= على سري الغيد هدفٍ حيامي
وفي جوف محماسٍ من الصلو محروق=بنه يديره شاهده والبهامي
واليا استوا في عاوي النجر مدقوق= قصير ساق مدودح الطارزامي
تطبِخ على ظوٍ من السمر برفوق= عرقوبها يجذب بخمس الفهامي
وساقه قهوجيه عقب شفت الذوق=طب الخوا وسط ابلج الصين دامي
بمجالسٍ ماهدفت كل نقنوق= الا مشاويش الاسود العدامي
شط االمكارم مبطي الاصل معموق= مناجم النخوه وسادة كرامي
ياعايف الفزعه لها منّهم شوق =اللي يخزمون الاعادي خزامي
احران واحدهم على الطيب مفتوق=علوى صعاصيع الوغا والزحامي
مطران حمران النواظر لهم فوق= بيضاء ترفرف فوق اجاء والسلامي
[/poem][/frame]