للضيق وقت وللحزن دايـم اسبـاب

[فواز الشيباني]

[poem=font="Simplified Arabic,4,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
للضيق وقت وللحزن دايـم اسبـاب
=وللصدق دافع والوفا صـار معـدوم
ماعاش عمره بهالزمن غيـر كـذّاب
=والصادق الوافـي محقّـر ومظلـوم
اسرق وانهب ينحسب لك كذا حساب
=وعيش بتواضع تعتبر شخص محروم
نافق وجامل ولا تَكَدر مـن عتـاب
=واكل حلال الغير محـدن لـك يلـوم
هذا زمـان بـدل احبـاب باغـراب
=هذا زمـان بـدل الضحـك بهمـوم
ماعاد نوثق باحـد حتـى الاقـراب
=والعيب هو العيب مايستـره هـدوم
لاصار لسان الشخص يلسع تقل داب
=ومن الكلام الردى يقتلـك مسمـوم
ناس تبسـم لـك وبالظهـر انيـاب
=وناس تمدح بك وبالظهـر مشتـوم
هذا زمـان الرجـل صـار ينعـاب
=واللي تشبه بالنسـا يطلـب اليـوم
خطف ونهب وكذب واليوم الارهـاب
=غطت سمانـا امـور كنهـا غيـوم
حتى النسا صارت تحرر من حجـاب
=وعند القياده صـار المـرأه تحـوم
ورسم الرسول استحلوهـا الكـلاب
=كفـار لا ملـه ولا ديـن ..معلـوم
امور صار في زمن صـار تعجـاب
=يالله عساك تزيـن الحـال هاليـوم
ول يازمـان بـدل المسـك بتـراب
=وول يازمان بـدل شيـوخ برخـوم [/poem]الشاعر
نواف بن ناصر