أشكُر فخامتكِ وطلّة معاليك ..!

[سلمان المالكي]

أشكُر فخامتكِ وطلّة معاليك ..!

أسـعـدتـنــي .. والـكـون يــشــكُــر جَـنـابَــك

أسـعـدتـنــي يــا زيــن .. ربّـــي يــخــلّــيــك

أسـعـدتـنــي يــا ذوق .. يــا مَــرحــبــا بَــك

أشــكُــر فـخـامـتــكِ .. وطــلّــة مَــعــالــيــك

يـا سَـعــدْ روحـي .. يـوم شـافــت كـتـابَــك

فــيــكَ الــحَــلا زايـــد .. وحـسَّـك مَـحلّـيـك

مـا تــدري إنّـــي .. مـيـتٍ فــي غـــرامَـــك

مـا تـدري إن الـروح تـعـشـق .. وتـغـليـك

أدري غــرام الـشّـوق .. سـاطــي وجـابَـك

يـا حـي مَـلـفـاكِ .. وحـضـرة مَــهــالــيــك

ودّي تــسـامـحـنــي .. بـعـانــق سَــرابَـــك

يــالله عَـســى .. يـا قـلـب هــــذا يـسـلّـيـك

أهـوى جُنُون الشّـوق .. واهـوى عـذابَــك

و(ن) شـفـتنـي قـصّـرت .. عــاذر تـغـلّيـك

اللـي طـرى فـي النفس .. بيّن طـرى لَــك

يـحـيـا علـى حَـرْفَــك .. غرامـي وطـاريـك

كِل الـمَـشـاعـــر .. شـاعــره مِن خــلالَــك

الله لا يــخـلــي الـمَـشـاعــر .. ويــبـقـيــك

دِنـيـا مِن الإحـسـاس .. تـرجــي وصــالَك

أمـوت واحيا .. في غـرامَـك وانا ارجـيـك

هــذي مَـعـانـي صـادقـة .. مِـن خـــيـــالَك

مـا عـشْـت ونـعـم .. لـو تهاوت هـقاويـك

أمــوت فـي حِــسَّــك .. وفـلّـة حِـجـاجَـــك

لـبّـيـك لــو تنده علـى الــروح .. لــبّـيــك

أشــعــار حُـبّــي .. تـرتــوي مِن حَـنـانَـك

كِلَّك عـلـى بَـعـضــك .. أحاسيس يا بـيـك

حـتّـى الـمـشـاعــر .. مِقلعة مِن مـطـارَك

آمـنـت بـ(ن) الله .. يـا شــوق مِـعـطـيـك

وش هــو يــوفّـيـنــي .. بمدحي صـفاتَـك

كِل الـمـعـانــي قـاصــرة .. مـا تــوفــيــك

مـابــه مِـثـال(ن) .. يـقـتـرب مِن مِـثـالَك

حـرام مِـن راســي .. وشِعري عـزاويـك

أعـشـق ظـنونَـك .. يوم تِحكِم حِـصـارَك

لـــولا ظُـنُـونَــك .. مـا أظنّـي بـهـاويـــك

يـا حِـب .. أحـبَّـك كيف يرضـى غـيـابَـك

حـتّـى غـيـابَـك .. زادنـي فـي غــلاويــك

يـا شــوق .. جِعل الورد يهنى ريـاضَـك

تــرى حـيـاتـي .. واقـفـه فـي حـراويــك

سلّمت روحـــي مُـغـرمَــه .. يـا حــلالَـك

مِـسـتـامِـنـه .. مـا دامـهـا بين أيــاديــك

وآقـــول يــالله .. لا فـقـدنــا ظِـــــلالَـــك

مِـن فـرحـتــي .. غنّيت تسلم خـطاويـك

أسـعـدتـنـي .. والكون يـشـكُـر جَـنـابَــك

أسـعـدتـنــي يـا زيــن .. ربّــي يـخـلـيـك

أسـعـدتـنــي يـا ذوق .. يـا مـرحـبـا بَـك

أشــكُــر فـخـامـتــكِ .. وطـلّـة مَـعـالـيـك

................

تحيّة الورد الطائفي السّاحر للجميع
شاعر الحرب